Shani Jayanti 2025: శనిశ్వర జయంతి 2025 ఎప్పుడు? పూజా విధానం, దానాలు ఏమిటంటే..

Shani Jayanti 2025: హిందూ పంచాంగం ప్రకారం, న్యాయాన్ని కాపాడే దేవుడు, కర్మ ఫలదాత అయిన శనిశ్వరుని జన్మదినోత్సవాన్ని ప్రతి సంవత్సరం వైశాఖ అమావాస్య రోజున జరుపుకుంటారు. అయితే ఈ సంవత్సరం శని జయంతి ఎప్పుడు జరపాలి అన్న విషయంపై కొంత సందిగ్ధత ఉంది. ఈ సందర్బంగా 2025లో శనిశ్వర జయంతి తేదీ, పూజా విధానం, దానాలు గురించి తెలుసుకుందాం.

శనిశ్వరుడు ఎవరు?

హిందూ మత విశ్వాసాల ప్రకారం, సూర్యదేవుడు మరియు ఛాయాదేవి కుమారుడైన శనిశ్వరుడు, వైశాఖ మాసంలోని అమావాస్య రోజున జన్మించాడు. ఈ రోజు శనిశ్వరుడిని ప్రత్యేకంగా పూజిస్తే, ఆయన అనుగ్రహంతో ఆరోగ్యం, ధనం, శాంతి, అభివృద్ధి లభిస్తాయని నమ్మకం ఉంది. అప్పులు, బాధలు, రోగాల నుంచి ఉపశమనం పొందవచ్చని శాస్త్రాలు చెబుతున్నాయి.

2025లో శని జయంతి ఎప్పుడంటే?

వైశాఖ అమావాస్య తిథి ఈ సంవత్సరం

• ప్రారంభం: మే 26 మధ్యాహ్నం 12:11 గంటలకు
• ముగింపు: మే 27 రాత్రి 8:31 గంటలకు

అందువల్ల శనిశ్వర జయంతి ఈ సంవత్సరం మే 27, మంగళవారం న జరుపుకుంటారు.

శని జయంతి పూజా విధానం:

1. ఉదయం స్నానం చేసి శుభ్రమైన బట్టలు ధరించండి.
2. నల్లటి వస్త్రంపై శని దేవుని ప్రతిష్టించాలి.
3. ఆవ నూనెతో దీపం వెలిగించండి.
4. పంచగవ్య లేదా పంచామృతంతో శుద్ధి చేసి, కుంకుమ, పూలతో పూజ చేయాలి.
5. నూనెతో చేసిన స్వీట్లను నైవేద్యంగా సమర్పించండి.
6. శని మంత్రాన్ని జపించండి:
7. "ఓం ప్రమ్ ప్రీం ప్రౌం సః శనైశ్చరాయ నమః"
8. శని చాలీసా పారాయణం చేయడం శుభప్రదం.
9. హారతి ఇచ్చి, చివరిగా చేసిన పాపాలకు క్షమాపణ కోరండి.

శని జయంతి రోజున చేయవలసిన దానాలు:

• నల్లటి వస్త్రాలు, ఉలవలు, నూనె, ఇనుము, నల్ల నువ్వులు, షూస్ లాంటి వస్తువులను పేదలకు దానం చేయడం మంచిదిగా భావిస్తారు.
• మూగ జంతువులకు ఆహారం పెట్టడం పుణ్యంగా పరిగణించబడుతుంది.

చేయవలసిన దానాలు:

శని జయంతి రోజు శనిశ్వరుని అనుగ్రహం పొందేందుకు కొన్ని ప్రత్యేక దానాలు చేయడం శుభప్రదంగా భావించబడుతుంది. ముఖ్యంగా నల్ల నువ్వులు, నూనె, నల్లటి వస్త్రాలు, ఇనుప వస్తువులు, బూట్లు, మినపప్పు, దుప్పట్లు పేదవారికి దానం చేయాలి. అదనంగా, అన్నదానము చేయడం వల్ల శని మహారాజు ఆశీస్సులు లభిస్తాయని విశ్వసించబడుతోంది.

శనిశ్వరుని కటాక్షం లభిస్తే, జీవితం సుఖసంపదలతో నిండిపోతుంది. శని జయంతిని శ్రద్ధగా పాటిస్తూ శని మహారాజు ఆశీస్సులు పొందండి.