Navpancham Rajyog 2025: జులై 26 నుంచి అదృష్ట దశ ప్రారంభం.. ఈ రాశుల వారికి పట్టిందల్లా బంగారం!

వేద జ్యోతిష్యంలో గ్రహాల కదలికలు వ్యక్తిగత జీవితాలపై కీలక ప్రభావం చూపిస్తాయని నమ్మకం. ఒక రాశి నుంచి మరో రాశికి గ్రహాల మార్పుతో కొన్ని శుభ మరియు అశుభ యోగాలు ఏర్పడతాయి. ఈ యోగాలు వ్యక్తుల భవిష్యాన్ని ప్రభావితం చేస్తాయని చెప్పవచ్చు. వచ్చే జులై 26న శుక్రుడు మిథునరాశిలోకి ప్రవేశించనుండగా, శని ఇప్పటికే మీనరాశిలో సంచరిస్తున్నాడు. ఈ రెండు గ్రహాల సంయోగం వల్ల నవపంచమ రాజయోగం ఏర్పడనుంది.

ఈ రాజయోగం శుభదాయకమైనదిగా పరిగణించబడుతుంది. కొన్ని రాశులకు ఇది భారీ లాభాలను, జీవితంలో కీలక మార్పులను తీసుకురాబోతుంది. ఈ గ్రహసంయోగం వల్ల ఆర్థికంగా బలపడే అవకాశం ఉంటుంది. అదృష్టం, అవకాశాలు, ప్రగతి – ఇవన్నీ వారి వైపు మొగ్గుతాయి.

వృషభ రాశి వారికి ఈ యోగం అత్యంత ప్రయోజనకరంగా ఉంటుంది. శని లాభ స్థానంలో, శుక్రుడు సంపద స్థానంలో ఉండటంతో, వారు ఆర్థికంగా మెరుగుపడతారు. నిరుద్యోగులకు ఉద్యోగ అవకాశాలు, కోరికల నెరవేరడం వంటి అనేక శుభ ఫలితాలు కనబడతాయి.

మిథున రాశి కోసం శుక్రుడు లగ్నంలో, శని పదవ స్థానంలో ఉండటం వల్ల ఆత్మవిశ్వాసం పెరుగుతుంది. అదృష్టం సహకరించి, ఉద్యోగాలలో పదోన్నతులు, వ్యాపార ఒప్పందాలు, లాభాల అవకాశాలు లభించవచ్చు.

కుంభ రాశి వారికి నవపంచమ యోగం అనుకూలంగా ఉంటుంది. శని సంపద స్థానంలో, శుక్రుడు ఐదవ ఇంట్లో ఉండటంతో ఆకస్మిక లాభాలు, విజయవంతమైన ప్రణాళికలు, కుటుంబం నుంచి శుభవార్తలు, ప్రేమ, వివాహ విషయాల్లో అనుకూల ఫలితాలు పొందే అవకాశం ఉంది.

ఈ యోగ ప్రభావం కొన్ని రాశుల జీవితాల్లో కీలక మలుపుగా మారనుంది. అదృష్టం అంగలూపే కాలం మొదలవుతున్నది.