Srisailam: పోలీస్‌స్టేషన్‌లోనే కానిస్టేబుల్‌ ఆత్మహత్య

Srisailam: శ్రీశైలం ఒకటో పట్టణ పోలీస్ స్టేషన్లో కానిస్టేబుల్ ఆత్మహత్య సంచలనం రేపింది. స్టేషన్‌లోపలే కానిస్టేబుల్ శివశంకర్ రెడ్డి గన్‌‌తో కాల్చుకుని చనిపోయాడు. తెల్లవారుజామున స్టేషన్‌లోని బాత్రుమ్‌లో గన్‌తో తలపై కాల్చుకుని బలవన్మరణానికి పాల్పడ్డారు. కానిస్టేబుల్ మృతిపై సమాచారం అందుకున్న ఆత్మకూరు డీఎస్పీ విచారణకు ఆదేశించారు. సీఐ ప్రసాద్ రావు కేసును దర్యాప్తు చేస్తున్నారు. కాగా.. మృతుడు శివశంకర్ రెడ్డి కర్నూలు జిల్లా వాసిగా గుర్తించారు. ఆత్మహత్యకు గల కారణాలపై పోలీసులు ఆరా తీస్తున్నారు.