YS Sharmila: ఇవాళ నల్గొండ జిల్లాలో వైఎస్ షర్మిల నిరుద్యోగ దీక్ష

YS Sharmila: వైఎస్సార్‌ టీపీ అధ్యక్షురాలు షర్మిల ఇవాళ నల్లగొండ జిల్లాలో పర్యటించనున్నారు. చండూరు మండలంలోని పుల్లెంల గ్రామంలో నిర్వహించే నిరుద్యోగ దీక్షలో పాల్గొననున్నారు. ఇటీవల ఉద్యోగం రాలేదన్న ఆవేదనతో ఆత్మహత్య చేసుకున్న శ్రీకాంత్‌ కుటుంబాన్ని పరామర్శించి ఆర్థిక సాయం చేయనున్నారు. ఆ తర్వాత పాదయాత్రగా దీక్షా ప్రాంగణానికి చేరుకోనున్నారు. సాయంత్రం ఆరు గంటల వరకు కొనసాగనున్న ఈ దీక్షకు ఉమ్మడి నల్గొండ జిల్లాకు చెందిన కార్యకర్తలు తరలిరానున్నారు.