Mancherial: మంచిర్యాల జిల్లాలో ప్రాణం తీసిన వాట్సప్‌ స్టేటస్‌

Mancherial: మంచిర్యాల జిల్లాలో వాట్సప్‌ స్టేటస్‌ ఓ యువతి ప్రాణం తీసింది. హైదరాబాద్‌లో పాలిటెక్నిక్‌ చదువుతున్న యువతి.. ఉగాది పండుగ సందర్భంగా తన సొంతూరైన తాండూర్‌ మండలం అచ్చలాపూర్‌కు వెళ్లింది. అయితే ఆ యువతితో కలిసి దిగిన ఓ ఫొటోను స్థానిక యువకుడి వాట్సప్‌ స్టేటస్ పెట్టాడు. అది చూసిన యువతి ఆ ఫొటోను తొలగించాలని వేడుకుంది. ఆ యువకుడు వినకపోవడంతో మనస్తాపానికి గురై పురుగుల మందు తాగి ఆత్మహత్య చేసుకుంది. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.