తార్నాక ఆర్టీసీ ఆస్పత్రిని ఆకస్మికంగా తనిఖీ చేసిన ఆర్టీసీ ఎండీ సజ్జనార్

TSRTC MD Sajjanar: హైదరాబాద్ తార్నాక ఆర్టీసీ ఆస్పత్రిని ఆర్టీసీ ఎండీ సజ్జనార్ ఆకస్మికంగా తనిఖీ చేశారు. ఆస్పత్రిలో ఉద్యోగులకు మరింత మెరుగైన వైద్యం అందించేందుకు తగిన చర్యలు తీసుకుంటామని వెల్లడించారు. మరోవైపు ఆస్పత్రిలో రెండో డోసు వ్యాక్సినేషన్ ప్రక్రియను పరిశీలించారు. 48 వేల మంది ఉద్యోగుల్లో 28 వేల మందికి సెకండ్ డోస్ పూర్తయిందని తెలిపారు. ఓపి, ఎక్స్ రే, ఫార్మసీ, స్కానింగ్, బ్లడ్ శాంపిల్ రూమ్, ఈసీజీ విభాగాలను పరిశీలించారు. అక్కడ అందుతున్న వైద్యంపై రోగులను వివరాలు అడిగి తెలుసుకున్నారు. అనంతరం ఆస్పత్రి ఆవరణలో మొక్కలు నాటారు ఎండీ సజ్జనార్.