logo
తెలంగాణ

Telangana: పోలీస్‌ పోస్టులకి మూడేళ్లు వయోపరిమితి పెంచుతూ ప్రభుత్వం ఉత్తర్వులు..!

Telangana Govt Raising the Age Limit to Three Years for Police Posts
X

Telangana: పోలీస్‌ పోస్టులకి మూడేళ్లు వయోపరిమితి పెంచుతూ ప్రభుత్వం ఉత్తర్వులు..!

Highlights

Telangana: పోలీస్‌ పోస్టులకి మూడేళ్లు వయోపరిమితి పెంచుతూ ప్రభుత్వం ఉత్తర్వులు..!

Telangana: ఈ ఏడాది తెలంగాణ ముఖ్యమంత్రి కేసీఆర్ 80 వేల ఉద్యోగాలు భర్తీ చేస్తామని ప్రకటించిన సంగతి తెలిసిందే. అందులో భాగంగా మొదటగా 30,453 పోస్టులకి ఆర్థిక శాఖ ఆమోదం తెలిపింది. అయితే ఇందులో ఎక్కువగా పోలీస్ ఉద్యోగాలే ఉన్నాయి. అయితే ఉద్యోగాల భ‌ర్తీ ప్రక్రియలో వ‌యో ప‌రిమితి గురించి గ‌త కొద్ది రోజుల నుంచి రాష్ట్ర వ్యాప్తంగా చ‌ర్చ జరుగుతుంది. వ‌యో ప‌రిమితిని పెంచాల‌ని ప‌లువురు నిరుద్యోగులు తెలంగాణ రాష్ట్ర ప్రభుత్వాన్ని కోరారు. దీంతో ఈ విషయంపై ప్రభుత్వం స్పందించింది.

తాజా గా సీఎం కేసీఆర్ పోలీసు ఉద్యోగాల‌కు వ‌యో ప‌రిమితిని మూడేళ్లు పెంచుతూ నిర్ణ‌యం తీసుకున్నారు. దీంతో రాష్ట్ర వ్యాప్తంగా దాదాపు 50 నుంచి 60 వేల మంది నిరుద్యోగుల‌కు లాభం చేకూరే అవ‌కాశం ఉంది. అలాగే.. గ్రూప్ 1, గ్రూప్ 2 ఉద్యోగ నియామక ప్రక్రియకు సంబంధించి ఇంట‌ర్వ్యూ ప‌ద్దతిని కూడా రద్దు చేశారు. పోలీస్ శాఖకు సంబంధించి 16,587 ఖాళీల భర్తీకి అనుమతులు జారీచేసింది.

పోస్టుల వివరాలు ఇలా ఉన్నాయి..

ఇందులో కానిస్టేబుల్(Civil)- 4965, కానిస్టేబుల్(AR)- 4423, టీఎస్ఎస్పీ కానిస్టేబుల్(TSSP)- 5704, కానిస్టేబుల్(IT&C)- 262, కానిస్టేబుల్(Driver) PTO- 100, కానిస్టేబుల్(మెకానిక్) PTO- 21, కానిస్టేబుల్(SARCPL)- 100 ఉన్నాయి.

ఇంకా సబ్ ఇన్ స్పెక్టర్ (Civil)- 415, రిజర్వ్ సబ్ఇన్‌స్పెక్టర్‌ ఆఫ్ పోలీస్(AR)- 69, రిజర్వ్ సబ్ ఇన్ స్పెక్టర్ ఆఫ్ పోలీస్ (టీఎస్ఎస్పీ)- 23, సబ్ ఇన్ స్పెక్టర్ (IT&C)- 23, సబ్ ఇన్ స్పెక్టర్ (PTO), రిజర్వ్ సబ్ ఇన్ స్పెక్టర్ ఆఫ్ పోలీస్(SARCPL)- 05 ఉన్నాయి.

అసిస్టెంట్ సబ్ ఇన్ స్పెక్టర్ ఆఫ్ పోలీస్ (FPB)- 08, సైంటిఫిక్ ఆఫీసర్ (FSL) 14, సైంటిఫిక్ అసిస్టెంట్(FSL), ల్యాబ్ టెక్నీషియన్ (FSL), ల్యాబ్ అసిస్టెంట్ (FSL)-01 ఖాళీల భర్తీకి ఆర్థిక శాఖ అనుమతులు ఇచ్చింది.

వీటితో పాటు స్పెషల్ ప్రొటక్షన్ ఫోర్స్ కు సంబంధించి పోలీస్ కానిస్టేబుల్ (SPF)-390, సబ్ ఇన్ స్పెక్టర్ ఆఫ్ పోలీస్(SPF)-12 పోస్టులకు ఆర్థిక శాఖ అనుమతులు ఇచ్చింది. ఈ పోస్టుల భర్తీకి సంబంధించి తెలంగాణ స్టేట్ లెవల్ పోలీస్ రిక్రూట్మెంట్ బోర్డ్(TSLPRB) త్వరలోనే నోటిఫికేషన్లు విడుదల చేయనుంది.

Web TitleTelangana Govt Raising the Age Limit to Three Years for Police Posts
Next Story