తెలంగాణ ప్రభుత్వం కీలక నిర్ణయం.. అన్ని విద్యాసంస్థలకు సెలవులు పొడిగింపు

Holidays: కరోనా వ్యాప్తి నేపథ్యంలో తెలంగాణ ప్రభుత్వం కీలక నిర్ణయం తీసుకుంది. అన్ని విద్యాసంస్థలకు ఈనెల 18 నుంచి 30 వరకు సెలవులు పొడిగిస్తున్నట్లు ప్రభుత్వ ప్రధాన కార్యదర్శి సోమేశ్ కుమార్ వెల్లడించారు. ఈ మేరకు అధికారిక ఉత్తర్వులు జారీ చేశారు. ఈనెల 8వ తేదీ నుంచి ప్రకటించిన సంక్రాంతి సెలవులు నేటితో ముగియనున్నాయి. అయితే రాష్ట్రంలో కోవిడ్ కేసులు క్రమంగా పెరుగుతున్న నేపథ్యంలో సెలవులు పొడిగించాలని విద్యాశాఖకు వైద్యారోగ్య శాఖ సిఫార్సు చేసింది. ఈ నేపథ్యంలో ఆరోగ్య శాఖ సిఫార్సు మేరకు సెలవులు పొడిగిస్తూ నిర్ణయం తీసుకున్నారు.