ఇవాళ టి.కాంగ్రెస్‌ రెండో జాబితా విడుదల

Congress: తెలంగాణ కాంగ్రెస్‌ పార్టీ అభ్యర్థుల మలి జాబితాపై కసరత్తు దాదాపు పూర్తయింది. మలి జాబితాను ఇవాళ ఏఐసీసీ విడుదల చేయనుందని కాంగ్రెస్‌ వర్గాలు వెల్లడించాయి. ఈ క్రమంలో మలి జాబితాపై ఆశావహులు, పార్టీ శ్రేణుల్లో ఉత్కంఠ కొనసాగుతోంది. కాగా.. ఈరోజు ఉదయం 9: 30గంటకు కాంగ్రెస్‌ సెంట్రల్‌ ఎలక్షన్‌ కమిటీ సమావేశం జరగనుంది. ఈ భేటీలో అభ్యర్థుల ఎంపికను సీఈసీ ఖరారు చేయనుంది. మూడు విడతలుగా కాంగ్రెస్‌ టికెట్ల ప్రకటన చేయనుంది. లెఫ్ట్‌ పార్టీలతో పొత్తు, బీసీ టికెట్ల పంచాయితీతో..మూడో జాబితా మరింత ఆలస్యమయ్యే అవకాశం ఉంది.