కాసేపట్లో రాహుల్‌ గాంధీతో టీకాంగ్రెస్‌ నేతల భేటీ

Telangana Congress: కాసేపట్లో రాహుల్‌ గాంధీతో టీకాంగ్రెస్‌ నేతలు భేటీ కానున్నారు. రేవంత్‌రెడ్డితో సహా 14మందికి అపాయింట్‌మెంట్ ఖారారు అయ్యింది. తెలంగాణలో పార్టీ పరిస్థితి.. పార్టీ సభ్యత్వాలపై ఈ సమావేశంలో చర్చించనున్నారు. సభ్యత్వ నమోదు చెక్కును కాంగ్రెస్ నేతలు రాహుల్‌గాంధీకి అందజేయనున్నారు.

రాహుల్‌తో పాటు తెలంగాణ కాంగ్రెస్‌ ఇన్‌ఛార్జ్ మాణిక్యం ఠాగూర్‌తో సైతం టీకాంగ్రెస్‌ నేతలు సమావేశం కానున్నారు. ఈ భేటీలో టీపీసీసీ అధ్యక్షుడు రేవంత్ రెడ్డితో పాటు సీనియర్ నాయకులు జానారెడ్డి, పొన్నాల లక్ష్మయ్య, ఉత్తమ్ కుమార్ రెడ్డి, కోమటిరెడ్డి వెంకటరెడ్డి. సీఎల్పీ నాయకుడు, వర్కింగ్ ప్రెసిడెంట్లు మధు యాష్కీ, దామోదర రాజనర్సింహ, మహేశ్ గౌడ్, మహేశ్వర్ రెడ్డి పాల్గొననున్నారు.