Siva Balakrishna: శివబాలకృష్ణ కేసులో షాకింగ్ ట్విస్ట్.. తెరపైకి IAS అరవింద్ కుమార్ పేరు

Siva Balakrishna: శివ బాలకృష్ణ కన్ఫెషన్ రిపోర్టులో సంచలన అంశాలు వెలుగులోకి వస్తున్నాయి. ఐఏఎస్ అరవింద్ కుమార్ పేరును శివబాలకృష్ణ ప్రస్తావించినట్లు సమాచారం. తనకు చెందిన పలు బిల్డింగులకు బాలకృష్ణతో ఐఏఎస్ అరవింద్ కుమార్ అనుమతులు జారీ చేయించుకున్నట్లు తెలుస్తోంది. నార్సింగిలోని ఓ కంపెనీకి చెందిన 12 ఎకరాల వివాదాస్పద భూమికి క్లియరెన్స్ ఇచ్చేందుకు 10 కోట్లు డిమాండ్ చేయగా... సదరు సంస్థ కోటి రూపాయలు ఇచ్చింది.

డిసెంబర్‌లో అరవింద్ ఇంటికి వెళ్లి ఆ డబ్బును శివబాలకృష్ణ అందించినట్లు ఏసీబీ అధికారులు గుర్తించారు. మహేశ్వరంలోని మరో బిల్డింగ్ అనుమతి కోసం కోటి రూపాయలను అరవింద్ డిమాండ్ చేశారని రిపోర్టులో పొందుపరిచినట్లు తెలుస్తోంది. మహేశ్వరం మండలం మంకల్ వద్ద వర్టెక్స్ భూములకు క్లియరెన్స్ ఇచ్చినందుకు అరవింద్‌కు ఓ ఫ్లాట్‌ను బహుమానం చేసిందిన రిపోర్టులో పేర్కొన్నారు.