మంచిర్యాలలో ఘోర ప్రమాదం..

మంచిర్యాల జిల్లాలో ఘోర రోడ్డు ప్రమాదం సంభవించింది. ఈ ప్రమాదంలో ముగ్గురు మృతి చెందా మరో 20 మంది తీవ్ర గాయాలపాలయ్యారు.ఈ సంఘటనకు సంబంధించి పూర్తివివరాల్లోకెళితే మంచిర్యాల జిల్లా దండేపల్లి మండలం కన్నెపల్లి హైవేపై ఆర్టీసీ బస్సు-లారీ ఢీకొన్నాయి. ఈ ప్రమాదంలో ఆర్టీసీ డ్రైవర్ సహా మొత్తం ముగ్గురు ప్రయాణికులు అక్కడికక్కడే మృతిచెందారు. బస్సులో ప్రయాణిస్తున్న మరో 20 మంది గాయపడ్డారు.

హైదరాబాద్ నుంచి ఊట్నూర్ కి వస్తున్న టీఎస్ ఆర్టీసీ బస్సు, లారీ ఎదురెదురుగా వస్తున్నాయి. ఆ వేగంతోనే రెండు వాహనాలు ఢీకొన్నట్టుగా ప్రత్యక్ష సాక్షులు వెల్లడించారు. ఈ ప్రమాదం సంభవించిన వెంటనే బస్సు, లారీ రెండు బోల్తా పడిపోయాయి. టిప్పర్‌ క్యాబిన్‌లో డ్రైవర్‌, క్లీనర్‌ చిక్కుకుపోయారు. ఈ విషయం తెలుసుకోగానే పోలీసులు హుటాహుటిన ఘటనా స్థలానికి చేరుకొని సహాయక కార్యక్రమాలను ముమ్మరం చేశారు. 108 వాహనాలకు సమాచారం ఇచ్చి క్షతగాత్రులను చికిత్స నిమిత్తం ఆస్పత్రులకు తరలించారు. కాగా వీరిలోనూ పలువురి పరిస్థితి విషమంగా ఉన్నట్లు తెలుస్తోంది.