KTR on Agri Innovations: గ్రామీణ, వ్యవసాయ ఆవిష్కరణలకు మద్దతు ఇవ్వండి: కేటీఆర్

KTR on Agri Innovations: హైదరాబాద్‌లో తెలంగాణ స్టేట్ ఇన్నోవేషన్ సెల్ (టిఎస్‌ఐసి), టి-హబ్‌తో పాటు టి-హబ్ సిఇఓ రవి నారాయణ్, ఐటి శాఖ ప్రిన్సిపల్ సెక్రటరీ జయేష్ రంజన్, వివిధ కార్యక్రమాలను ఐటి, పరిశ్రమల శాఖ మంత్రి కేటీఆర్ సమీక్షించారు. సమీక్షలో భాగంగా, సిఈఒ రవి నారాయణ్, తెలంగాణ స్టేట్ ఇన్నోవేషన్ సెల్, టి-హబ్ వివిధ కార్యక్రమాలపై వివరణ ఇచ్చారు.

తెలంగాణ రాష్ట్రంలో శక్తివంతమైన స్టార్టప్ పర్యావరణ వ్యవస్థను సృష్టించినందుకు టి-హబ్ బృందాన్ని మంత్రి కేటీఆర్ ప్రశంసించారు. వరంగల్, కరీంనగర్, ఖమ్మం వంటి టైర్ 2 నగరాల్లోని టి-హబ్ కేంద్రాలను త్వరగా అమలు చేయాలని మంత్రి టి-హబ్ బృందానికి ఆదేశించారు. రాష్ట్ర ప్రభుత్వ-మద్దతుగల సంస్థలైన టిఎస్ఐసి, టి-హబ్, వి-హబ్, టివర్క్స్, రీసెర్చ్ & ఇన్నోవేషన్ సర్కిల్ ఆఫ్ హైదరాబాద్ (రిచ్), తెలంగాణ అకాడమీ ఫర్ స్కిల్ అండ్ నాలెడ్జ్ లకు కృతజ్ఞతలు తెలుపుతూ నేడు తెలంగాణలో దేశంలో ఉత్తమ ఆవిష్కరణ పర్యావరణ వ్యవస్థ ఉందని మంత్రి పేర్కొన్నారు.

పాఠశాలకు వెళ్లే పిల్లలను కూడా లక్ష్యంగా చేసుకుని మరిన్ని ప్రోగ్రామ్స్ రీచ్ అయ్యేలా కార్యక్రమాలను ప్లాన్ చేయాలని మంత్రి టిఎస్‌ఐసి బృందానికి సూచించారు. ఆవిష్కరణ సంస్కృతిని చిన్న వయస్సు నుండే పెంపొందించుకోవాలని అన్నారు. ఇన్నోవేషన్ & స్టార్టప్ సంబంధిత సబ్జెక్టులపై పనిచేసే విద్యార్థుల కోసం కోర్సు క్రెడిట్స్ విధానాన్ని ప్రవేశపెట్టడానికి రాష్ట్ర విద్యా శాఖతో సమన్వయం చేసుకోవాలని మంత్రి జయేష్ రంజన్‌ను ఆదేశించారు.

గ్రామీణ ఆవిష్కరణలపై ప్రత్యేక దృష్టి పెట్టడం అవసరమని ఐటి మంత్రి కేటీఆర్ అధికారులకు సూచించారు. టిఎస్ఐసి, టిహెచ్, టివర్క్స్, వీహబ్ వంటి ఇన్నోవేషన్ సంస్థలు మన గ్రామీణ ఆవిష్కర్తలకు అవసరమైన సహకారాన్ని అందించాలని ఆయన అన్నారు. సిఎం కెసిఆర్ సమిష్టి కృషి వల్ల రాష్ట్రంలో ఆహార ధాన్యాల ఉత్పత్తి వేగంగా పెరుగుతోందని మంత్రి చెప్పారు. వ్యవసాయం, దాని అనుబంధ రంగాలు రాష్ట్ర ఆవిష్కరణ పర్యావరణ వ్యవస్థ నుండి ప్రయోజనం పొందాలని మంత్రి అభిప్రాయపడ్డారు.