వరంగల్‌లో బీజేపీ సభకు అనుమతి రద్దు

Warangal BJP Meeting: వరంగల్‌లో బీజేపీ నిర్వహించాలనుకున్న సభకు అనుమతి రద్దయ్యింది. ఈ నెల 27న హన్మకొండ ఆర్ట్స్ కాలేజీ గ్రౌండ్ లో బీజేపీ సభ నిర్వహించడానికి అన్ని ఏర్పాట్లు జరుగుతున్నాయి. అయితే ఈ బహిరంగ సభకు బీజేపీ జాతీయ అధ్యక్షుడు జేపీ నడ్డా హాజరుకానున్నారు. దీంతో సభను ఎట్టి పరిస్థితుల్లోనైనా నిర్వహించాలని బీజేపీ రాష్ట్ర నాయకత్వం భావిస్తుంది. అయితే ఈ కార్యక్రమానికి అనుమతిని రద్దు చేసింది కళాశాల యాజమాన్యం. సభకు పోలీసుల అనుమతి లేదని, అందుకే ఈ నిర్ణయం తీసుకున్నట్లు కళాశాల యాజమాన్యం ఒక ప్రకటనలో తెలిపింది. అయితే.. బీజేపీ తెలంగాణ చీఫ్ బండి సంజయ్ ప్రజా సంగ్రామ యాత్ర మూడో విడత ముగింపును పురస్కరించుకొని వరంగల్‌లో సభను నిర్వహించి తీరుతామని బీజేపీ నేతలు తేల్చి చెబుతున్నారు.