Mulugu: ములుగు జిల్లా వ్యాపారులకు ట్రేడ్ లైసెన్స్ తప్పనిసరి

Mulugu: ములుగు వ్యాపారులకు ట్రేడ్ లైసెన్స్​తప్పనిసరి చేస్తూ మున్సిపల్ అధికారులు చర్యలు తీసుకుంటున్నారు. గ్రామపంచాయతీగా ఉన్నప్పుడు ఎలాంటి లైసెన్స్ తీసుకోకున్నా చూసీచూడనట్లు వ్యవహరించిన అప్పటి అధికారులు మున్సిపాలిటీ ఏర్పాటు అయ్యాక నిబంధనలు పాటించాలని సూచిస్తున్నారు. ప్రతి షాపుకి ట్రేడ్​ లైసెన్స్ ఉండేలా ఇప్పటికే షాపుల వివరాలను సేకరించిన సిబ్బంది లైసెన్స్ రేట్లను హైక్ చేస్తూ నోటిఫికేషన్ జారీ చేశారు. 2025-26 నుంచే ఈ రేట్లు అమలులోకి వస్తాయని కలెక్టర్ నోటిఫికేషన్‌లో స్పష్టం చేశారు.

ములుగులో వ్యాపారం చేస్తున్న ప్రతీ ఒక్కరూ లైసెన్స్ కలిగి ఉండాలన్నారు ములుగు మున్సిపల్ కమిషనర్ సంపత్. ట్రేడ్ లైసెన్స్ లేనట్లయితే చట్టరీత్యా జరిమానాలు విధిస్తామని హెచ్చరించారు. పూర్తిస్థాయిలో వివరాలు సేకరించి ట్రేడ్​ లైసెన్స్​లేని వారిని గుర్తించి నోటీసులు అందజేస్తామని తెలిపారు. కొత్త నిబంధనలు త్వరలోనే అమలులోకి వస్తాయని పేర్కొన్నారు.