నల్గొండలోని పద్మానగర్ కాలనీలో విషాదం.. ఇంట్లో గోడ కూలి తల్లీకూతుళ్ళ దుర్మరణం

Nalgonda: నల్గొండలో రాత్రి నుంచి ఎడతెరిపి లేకుండా వర్షం కురుస్తోంది. దీంతో పద్మానగర్‌లోని ఓ ఇంటి గోడకూలి తల్లీకూతుళ్ళు దుర్మరణం చెందారు. తెల్లవారుజామున నిద్రిస్తున్న సమయంలో గోడకూలి బీరువా మీద పడడంతో ఇద్దరూ అక్కడికక్కడే మృతిచెందారు. మృతులు నడికుడి లక్ష్మీ ఆమె కూతురు కళ్యాణిగా గుర్తించారు. ఇటీవలే కళ్యాణికి వివాహం జరిగింది.

ఆ కుటుంబం కొన్నేళ్లుగా శ్రీకాకుళం నుంచి వలస వచ్చి రైల్వే కూలీలకు వంట చేస్తూ జీవనం సాగిస్తున్నారు. సమాచారం అందుకున్న పోలీసులు సంఘటన ప్రదేశానికి చేరుకుని మృతదేహాలను మార్చురీకి తరలించి, కేసు నమోదు చేసి దర్యాప్తు చేపట్టారు.