Sabitha: ఉపాధ్యాయులకు టీచర్స్ డే శుభాకాంక్షలు తెలిపిన మంత్రి సబితా

Sabitha Indra Reddy: టీచర్స్ డే సందర్భంగా తెలంగాణలోని ఉపాధ్యాయులందరికీ రాష్ట్ర విద్యాశాఖ మంత్రి సబితా ఇంద్రారెడ్డి శుభాకాంక్షలు తెలిపారు. భారత మాజీ రాష్ట్రపతి, దివంగత డాక్టర్ సర్వేపల్లి రాధాకృష్ణన్ జీవితం ఉపాధ్యాయులందరికీ మార్గదర్శమన్నారు. విద్యార్థుల భవిష్యత్‌ను తీర్చిదిద్ది బాధ్యతగల పౌరులుగా తయారుచేసేది గురువులేనని వారి సేవలను సబితా కొనియాడారు. పేద విద్యార్థులకు నాణ్యమైన విద్య అందించేందుకు ప్రభుత్వం కృషి చేస్తుందని ఈ సందర్భంగా మంత్రి గుర్తుచేశారు.