టీఆర్ఎస్‌తో కాంగ్రెస్ పొత్తు.. క్లారిటీ ఇచ్చిన మానిక్కం ఠాగూర్

Manickam Tagore: టీఆర్ఎస్‌తో కాంగ్రెస్‌కు పొత్తు ఉంటుందనే ప్రచారం పూర్తిగా అవాస్తవమని తెలంగాణ కాంగ్రెస్‌ వ్యవహారాల ఇన్‌ఛార్జ్‌ మానిక్కం ఠాగూర్ స్పష్టం చేశారు. కాంగ్రెస్ పార్టీ ఏ రాజకీయపార్టీతోనూ పొత్తు పెట్టుకోలేదని మానిక్కం ఠాగూర్ స్పష్టం చేశారు. కాంగ్రెస్ బలమేంటో మే ఆరో తేదీన వరంగల్ లో జరిగే సభలో నిరూపిస్తామన్నారు. ఆ పార్టీ నాయకులే.. తప్పుడు ప్రచారం చేస్తుండొచ్చని ఆయన అభిప్రాయం వ్యక్తం చేశారు. బీజేపీ, టీఆర్ఎస్ పార్టీలకు వ్యతిరేకంగా పోరాడుతున్న విషయంలో ఎక్కడా వెనుకడుగు వేసేది లేదని ఆయన స్పష్పం చేస్తూ మానిక్కం ఠాగూర్ ట్వీట్ చేశారు.