Top
logo

కేసీఆర్ పుట్టినరోజు సందర్భంగా ప్రముఖుల ట్వీట్లు

కేసీఆర్ పుట్టినరోజు సందర్భంగా ప్రముఖుల ట్వీట్లు
Highlights

తెలంగాణ ప్రత్యేక రాష్ట్రాన్ని సాధించి ఎంతో మంది కళను నిజం చేసారు కేసీఆర్. ప్రత్యేక రాష్ట్రాన్ని సాధించి దినదినాభివృద్ది చేస్తున్నారు.

తెలంగాణ ప్రత్యేక రాష్ట్రాన్ని సాధించి ఎంతో మంది కళను నిజం చేసారు కేసీఆర్. ప్రత్యేక రాష్ట్రాన్ని సాధించి దినదినాభివృద్ది చేస్తున్నారు. రాష్ట్రంలో ఉన్న ప్రజల అబిమానాన్ని పొందుతున్నారు. ఎంతో మంది అభిమానాన్ని పొందుతున్న కేసీఆర్ ఈ రోజు 65 వసంతాలు పూర్తి చేసుకుని 66వ వసంతంలోకి అడుగుపెట్టబోతున్నారు.

దీంతో రాష్ట్రంలో ఎక్కడ చూసినా సందడి నెలకొంది. సోషల్ మీడియాలో, వెబ్ సైట్లలో, ఎక్కడ చూసినా ఆయనకు జన్మదిన శుభాకాంక్షలు వెల్లువెత్తుతున్నాయి. తెలంగాణ, ఆంధ్రా అనే తేడా లేకుండా ప్రముఖులంతా కేసీఆర్‌కు శుభాకాంక్షలు చెబుతున్నారు. హ్యాపీ బర్త్ డే కేసీఆర్, కేసీఆర్ బర్త్‌డే హ్యాష్‌ట్యాగ్స్‌తో ట్విట్టర్లో ట్వీట్లు చేస్తున్నారు. అంతే కాదు కేసీఆర్ కుటుంబ సభ్యులు కూడా ఆయన కు ప్రత్యేకంగా శుభాకాంక్షలను తెలుపుతున్నారు. ఆయన పుట్టిన రోజును పురస్కరించుకుని రాష్ట్రంలో హరిత హారం కార్యక్రమాన్ని నిర్వహిస్తున్నారు.


ధైర్యవంతుడు, బహుముఖ ప్రజ్ఞాశాలి, కరుణామయుడు, ప్రజాకర్షణ కలిగిన క్రియాశీల వ్యక్తి ; నేను నాన్న అని గర్వంగా పిలిచే వ్యక్తి మీరు చిరకాలం జీవించాలని, నిబద్ధతతో మాలో ఇలాగే స్ఫూర్తిని నింపుతుండాలని కోరుకుంటున్న. తల్లిని కన్న తనయుడికి జన్మదిన శుభాకాంక్షలు'' అని కేటీఆర్ ట్వీట్ చేశారు.


ఇక పోతే రాష్ట్ర మంత్రి హరీష్ రావు కూడా తన మేనమామ కేసీఆర్ కూ పుట్టినరోజు శుభాకాంక్షలను తెలిపారు. తెలంగాణ మీ స్వప్నం, ఈ రాష్ట్రం మీ త్యాగఫలం, ఈ అభివృద్ధి మీ ధక్షతకు నిదర్శణం, ఈ నేలకు మీరే శ్రీరామ రక్షతెలంగాణ జాతిపిత శ్రీ కేసిఆర్ గారు శతవసంతాలు చూడాలని మనసారా కోరుకుంటూ.. జన్మదిన శుభాకాంక్షలు అంటూ ట్వీట్ చేసారు.

కేసీఆర్ పుట్టిన రోజు సందర్భంగా మాదాపూర్‌లోని చిత్రమయి స్టేట్‌ ఆర్ట్‌ గ్యాలరీలో కేసీఆర్‌ చిత్రాల ప్రదర్శనను తెలంగాణ రాష్ట్ర కార్మిక, ఉపాధి, మహిళలు, పిల్లల అభివృద్ధి శాఖ మంత్రి మల్లారెడ్డి ప్రారంభించారు. ఈ గ్యాలరీలో 50 చిత్రాలు ప్రదర్శనలో ఉంచినట్లు నిర్వాహకులు తెలిపారు. ఈ కార్యక్రమానికి క్యూరెటర్‌గా ప్రముఖ ఆర్టిస్ట్‌ రమణారెడ్డి వ్యవహారించారు. కాగా ఈ చిత్రాలు సందర్శకులను ఎంతగానో ఆకట్టుకుంటున్నాయి. ఇక సీఎం కేసీఆర్‌ జన్మదినాన్ని పురస్కరించుకొని కేసీఆర్‌ చిత్ర పటాలను ప్రదర్శనలో ఉంచి కేక్‌ను కూడా కట్‌ చేశారు. ఈ గ్యాలరీ ఈ నెల 23వ తేదీ వరకు ఉంటుందన్నాని తెలిపారు. కార్యక్రమంలో ఆర్ట్‌ గ్యాలరీ డైరెక్టర్‌ డాక్టర్‌ కె.లక్ష్మి, పలువురు చిత్ర కళాకారులు తదితరులు పాల్గొన్నారు.


కేసీఆర్ సన్నిహితుడు, ఏపీ సీఎం వైఎస్ జగన్ కూడా తెలంగాణ ముఖ్యమంత్రికి బర్త్ డే విషెస్ తెలిపారు. ''తెలంగాణ ముఖ్యమంత్రి శ్రీ కె. చంద్రశేఖర్ రావు గారికి హార్దిక జన్మదిన శుభాకాంక్షలు. దేవుని ఆశీస్సులు మీకు ఎల్లవేళలా ఉండాలని, చిరకాలం ఆయురారోగ్యాలతో ప్రజాసేవలో కొనసాగాలని ఆకాంక్షిస్తున్నా'' అని జగన్ ట్వీట్ చేశారు.

ప్రధాని మోదీ, వైఎస్సార్సీపీ ఎంపీ విజయసాయి రెడ్డి, మేఘాలయ సీఎం క్రొనాడ్ సంగ్మా తదితరులు కేసీఆర్‌కు జన్మదిన శుభాకాంక్షలు తెలిపారు. కేసీఆర్‌కు పుట్టిన రోజు శుభాకాంక్షలు చెప్పిన మోదీ.. ఆయన చిరకాలం ఆరోగ్యంగా ఉండాలని ఆకాంక్షించారు.




Web TitleKTR and Harish Rao birthday wishes to Cm KCR
Next Story


లైవ్ టీవి