Heavy Rains: రాజన్న సిరిసిల్ల జిల్లాలో దంచికొడుతున్న వానలు

Heavy Rains: రాజన్న సిరిసిల్ల జిల్లాలో వానలు దంచికొడుతున్నాయి. లోతట్టు ప్రాంతాలు చెరువులను తలపిస్తున్నాయి. రహదారులు వాగులను మరిపిస్తున్నాయి. కొత్త చెరువు మత్తడి పోస్తుండడంతో కరీంనగర్ - సిరిసిల్ల రహదారిపై వరద నీరు ఉప్పొంగుతుంది. రోడ్డుపై వెళ్లేందుకు పాదాచారులు, వాహనదారులు తీవ్ర ఇబ్బంది పడుతున్నారు. మరోవైపు లోతట్టు ప్రాంతాల్లోని పలు ఇళ్లలోకి వరద నీరు వచ్చి చేరింది. మరికొన్ని కాలనీలను వరదలు ముంచెత్తడంతో రాకపోకలు పూర్తిగా నిలిచిపోయాయి. దీంతో ప్రజలు రెండు రోజులుగా తీవ్ర ఇబ్బందులు ఎదుర్కొంటున్నారు.