కోమటిరెడ్డి వెంకట్‌రెడ్డికి అద్దంకి దయాకర్‌ క్షమాపణలు

Addanki Dayakar: నిన్న చండూరు సభలో కోమటిరెడ్డి వెంకట్‌రెడ్డిపై అసభ్యకర వ్యాఖ్యలపై క్షమాపణ చెప్పారు కాంగ్రెస్ అధికార ప్రతినిధి అద్దంకి దయాకర్. ఆ వ్యాఖ్యలు ఉద్దేశపూర్వకంగా చేయలేదని, కోమటిరెడ్డి వెంకట్‌రెడ్డి మనోభావాలు దెబ్బతిని ఉంటే క్షమించాలని కోరారు. అలాగే వెంకట్‌రెడ్డి అభిమానులకు కూడా క్షమాపణ చెప్పారు దయాకర్. పార్టీకి నష్టం జరగొద్దనే ఆ వ్యాఖ్యలు చేశాను తప్ప వెంకట్ రెడ్డిని విమర్శించాలని కాదన్నారు. తెలంగాణలో ఆ పదాన్ని కామన్ గా వాడుతారన్న ఆయన తన వ్యాఖ్యలను వెనక్కి తీసుకుంటున్నట్లు ప్రకటించారు. కాగ అంతకు ముందు కోమటిరెడ్డి వెంకట్ రెడ్డిపై చేసిన వ్యాఖ్యలపై వివరణ కోరుతూ అద్దంకి దయాకర్ కు టీపీసీసీ క్రమశిక్షణ కమిటీ షోకాజ్ నోటీసులు జారీ చేసింది.