నిరుద్యోగుల‌కు సీఎం కేసీఆర్ శుభ‌వార్త‌.. అసెంబ్లీ వేదిక‌గా రేపు కీలక ప్ర‌క‌ట‌న‌

CM KCR: వనపర్తిలో నూతనంగా ఏర్పాటు చేయనున్న మెడికల్‌ కాలేజీ నిర్మాణానికి సీఎం కేసీఆర్‌ భూమి పూజ చేశారు. ఈ సందర్భంగా ఏర్పాటు చేసిన బహిరంగ సభలో సీఎం మాట్లాడారు. వనపర్తి బహిరంగ సభలో సీఎం కేసీఆర్‌ చేసిన ప్రకటన రాష్ట్ర వ్యాప్తంగా తీవ్ర ఉత్కంఠ రేపుతోంది. నిరుద్యోగులను ఉద్దేశించి సీఎం కేసీఆర్‌ రేపు అసెంబ్లీలో కీలక ప్రకటన చేయనున్నారు. ఆ విషయాన్ని ఆయనే స్వయంగా చెప్పారు. రేపు ఉదయం 10 గంటలకు నిరుద్యోగులంతా టీవీలు చూడాలని కోరారు. దీంతో సీఎం కేసీఆర్‌ ఏం ప్రకటన చేస్తారని ఇప్పుడు నిరుద్యోగులు, రాజకీయ వర్గాలు తీవ్ర ఆసక్తిగా ఎదురుచూస్తున్నాయి.