Hyderabad: డీమార్ట్‌లో ఫ్రీగా చాకెట్లు తింటూ ఇన్‌స్టా రీల్‌.. అరెస్ట్ చేసిన పోలీసులు

Hyderabad: ఇన్‌‌స్టాగ్రాం రీల్ తీసి... ఫేమస్ అవుదామకున్న యువకుడు... చివరికి... కటకటాలపాలయ్యాడు. హనుమాన్ నాయక్ అనే యువకుడు డీమార్ట్ స్టోర్‌‌లోకి వెళ్లి... ఫ్రీగా చాక్లెట్ ఎలా తినాలో తెలుసా..అని ఓ రీల్ చేసి.. ఇన్‌స్టా గ్రాంలో పోస్ట్ చేశాడు.. దీనికి అతని స్నేహితుడు సహకరించారు. చాక్లెట్ తీసుకొని... డీమార్ట్‌లోనే ట్రయల్ రూంలోకి వెళ్లి... చాక్లెట్ తిన్నాడు.. అలా తినే దాన్ని వీడియో తీసి.. ఇన్‌స్టాలో పోస్ట్ చేశాడు.

ఈ వీడియోలను గుర్తించిన డీమార్ట్‌ షేక్‌పేట బ్రాంచ్‌ మేనేజర్‌ అర్జున్‌సింగ్‌ బుధవారం ఫిలింనగర్‌ పోలీసులకు ఫిర్యాదు చేశారు. చాక్లెట్లను దొంగిలించిన హనుమంత్‌ నాయక్‌తోపాటు అతడి స్నేహితులపై ఐపీసీ 420, 379 సెక్షన్లతోపాటు ఐటీ యాక్ట్‌ కింద కేసు నమోదు చేసి దర్యాప్తు చేపట్టారు.