Mass Shooting: హైదరాబాద్ చేరుకున్న ఐశ్వర్య మృతదేహం

Mass Shooting: అమెరికాలోని టెక్సాస్ కాల్పుల్లో మరణించిన ఐశ్వర్య మృతదేహం ఉదయం ఇంటికి చేరింది. కాసేపట్లో ఐశ్వర్య అంత్యక్రియలు జరగనున్నాయి. రంగారెడ్డి జిల్లా జడ్జి నర్సిరెడ్డి కుమార్తె ఐశ్వర్య అమెరికాలో పని చేస్తున్నారు. ఓ కంపెనీలో ప్రాజెక్టు మేనేజర్‌గా వర్క్ చేస్తున్నారు. మూడు రోజుల క్రితం టెక్సాస్‌లోని ఓ షాపింగ్ కాంప్లెక్స్‌లో దుండగులు కాల్పులకు తెగబడ్డారు. ఈ కాల్పుల్లో ఐశ్వర్య మృతి చెందింది. శనివారం టెక్సాస్‌లోని ఆలెన్ నగరంలో రద్దీగా ఉన్న ఓ షాపింగ్ మాల్‌లో దుండగుడు కాల్పులు జరిపాడు. ఈ కాల్పుల్లో 9 మంది చనిపోయారు. తెలుగు అమ్మాయి ఐశ్వర్య ఉన్నారు. సమాచారం తెలిసిన వెంటనే పోలీసులు ఘటనా స్థలానికి చేరుకొని దుండగుణ్ని కాల్చి చంపేశారు. స్పాట్‌లోనే ఏడుగురు చనిపోయారని... మరో ఇద్దరు ఆసుపత్రిలో చనిపోయినట్టు పోలీసులు ప్రకటించారు.