Vivo X200 Series Launch: 6000mAh బ్యాటరీతో వివో నుంచి కొత్త ఫోన్లు.. పిచ్చెక్కిస్తున్న ఫీచర్లు

Vivo X200 Series Launch: Vivo అధికారికంగా తన తాజా ఫ్లాగ్‌షిప్ స్మార్ట్‌ఫోన్ సిరీస్, X200, X200 ప్రోలను మలేషియాలో విడుదల చేసింది. గత నెలలో చైనాలో తొలిసారిగా ప్రవేశపెట్టిన ఈ సిరీస్‌కి ఇది అంతర్జాతీయ అరంగేట్రం. తాజా హ్యాండ్‌సెట్‌లో 6,000mAh బ్యాటరీ ఉంది. అలానే ఫోన్ ప్రో వెర్షన్‌లో గొప్ప 200MP కెమెరా అందుబాటులో ఉంది. ఈ సరికొత్త ఫోన్ సిరీస్ ధర, ఫీచర్ల గురించి తెలుసుకుందాం.

Vivo X200 Series Features

రెండు స్మార్ట్‌ఫోన్‌లు 120Hz, 4,500 nits బ్రైట్నెస్‌తో OLED డిస్‌ప్లేలను కలిగి ఉన్నాయి. X200 6.67-అంగుళాల ప్యానెల్, X200 Pro కొంచెం పెద్ద 6.78-అంగుళాల డిస్‌ప్లేను కలిగి ఉంది. మెరుగైన భద్రత కోసం ప్రో మోడల్‌కు అల్ట్రాసోనిక్ అండర్-డిస్ప్లే ఫింగర్ ప్రింట్ సెన్సార్ కూడా జోడించారు.

రెండు ఫోన్లు MediaTek డైమెన్సిటీ 9400 చిప్‌సెట్‌తో వస్తున్నాయి, LPDDR5x RAM, UFS 4.0 స్టోరేజ్‌తో జత చేసి ఉంటాయి. Vivo X200 మూడు 50MP సెన్సార్‌లతో ట్రిపుల్-కెమెరా సెటప్‌ను కలిగి ఉంది.X200 5,800mAh బ్యాటరీని కలిగి ఉంది, X200 Pro 6,000mAh బ్యాటరీని కలిగి ఉంది. రెండు మోడల్‌లు 90W వైర్డ్ ఛార్జింగ్‌కు సపోర్ట్ ఇస్తున్నాయి. అయితే ప్రో మోడల్ 30W వైర్‌లెస్ ఛార్జింగ్‌ను కూడా అందిస్తుంది.

Vivo X200 Series Price

X200 ప్రో రెండు కలర్ వేరియంట్లలో అందుబాటులో ఉంది. వీటిలో టైటానియం గ్రే, మిడ్‌నైట్ బ్లూ కలర్స్ ఉన్నాయి. రెండు మోడల్‌లు 16GB RAM +512GB స్టోరేజ్‌తో ఒకే కాన్ఫిగరేషన్‌లో వస్తాయి. X200 ప్రో ధర MYR 4,699 (సుమారు రూ. 94,180).

అదే సమయంలో X200 మిడ్‌నైట్ బ్లూ, అరోరా గ్రీన్ కలర్ ఆప్షన్‌లలో పరిచయం చేశారు. ఇది 16GB/512GB సింగిల్ కాన్ఫిగరేషన్‌తో వస్తుంది. దీని ధర MYR 3,599 (సుమారు రూ. 72,699).Vivo X200 సిరీస్ ఇప్పుడు మలేషియాలో ప్రీ-ఆర్డర్ కోసం అందుబాటులో ఉంది. నవంబర్ 28న థాయ్‌లాండ్‌, భారతదేశం వంటి ఇతర మార్కెట్‌లలో లాంచ్‌ కానుంది.