Samsung Galaxy A15: శాంసంగ్ నుంచి అత్యంత సరసమైన స్మార్ట్‌ఫోన్‌.. లీకైన ఫీచర్లు ఇవే.. స్పెషల్ ఏంటంటే?

Samsung Galaxy A15 4G: శామ్సంగ్ తన 5G ఫోన్‌తో పాటు, Galaxy A15 4Gని కూడా విడుదల చేయడానికి సిద్ధమవుతుందని భావిస్తున్నారు. 5G మోడల్ అన్ని వివరాలు ఇప్పటికే వెల్లడయ్యాయి. కానీ, ఇప్పుడు కొత్త లీక్‌లు వినిపిస్తున్నాయి. ఇక్కడ Galaxy A15 4G డిజైన్, రంగు ఎంపికలు, కొన్ని స్పెషిఫికేషన్లు వెల్లడయ్యాయి. Galaxy A15 4Gలో ఎలాంటి ఫీచర్లు ఉన్నాయో ఇప్పుడు తెలుసుకుందాం..

Samsung Galaxy A15 4G డిజైన్ లీక్..

Phonestalk సమాచారం ప్రకారం Samsung Galaxy A15 4G డిజైన్ Galaxy A14 4Gని పోలి ఉంటుంది. బయటకు వచ్చిన ఫొటోలలో, మూడు వెనుక కెమెరాలు, LED ఫ్లాగ్ వెనుక భాగంలో కనిపిస్తాయి. సెల్ఫీల కోసం ముందు భాగంలో వాటర్‌డ్రాప్ నాచ్ ఉంది. లీకైన ఫోటోలో, ఫోన్ మూడు రంగులలో (నలుపు, తెలుపు మరియు పసుపు) చూడవచ్చు.

Samsung Galaxy A15 4G స్పెషిఫికేషన్స్..

Galaxy A15 4G లోపల MediaTek Helio G99 చిప్‌సెట్ ఉండే అవకాశం ఉంది. ఫోన్ RAM, స్టోరేజ్ కాన్ఫిగరేషన్‌లలో రావొచ్చు. ఇందులో ఒక ఎంపిక 4GB RAM, 128GB స్టోరేజ్‌తో ఉండనున్నట్లు తెలుస్తోంది. డిస్ప్లే గురించి మాట్లాడితే, దాని పరిమాణం 6.5-అంగుళాలు కావొచ్చు. కానీ రిజల్యూషన్ ఇంకా తెలియదు.

Samsung Galaxy A15 4G కెమెరా & బ్యాటరీ..

Samsung Galaxy A15 4G ట్రిపుల్ కెమెరా సెటప్‌ను కలిగి ఉంటుంది. ఇది 50MP ప్రైమరీ, 5MP అల్ట్రా-వైడ్ లెన్స్, 2MP డెప్త్ సెన్సార్‌ను కలిగి ఉంటుంది. ముందువైపు 13MP కెమెరా ఉంటుంది. ఇది కాకుండా, ఫోన్ 25W ఫాస్ట్ ఛార్జింగ్ సపోర్ట్‌తో బలమైన 5000mAh బ్యాటరీని కలిగి ఉండే అవకాశం ఉంది. లాంచ్ డేట్ గురించి ఇంకా ఏమీ తెలియలేదు. ధర గురించి కూడా కంపెనీ ఏమీ చెప్పలేదు. లాంచింగ్ సమయంలోనే దీనికి తెర లేవనుంది.