OnePlus 13s: స్నాప్‌డ్రాగన్ 8 ఎలైట్, 50MP + 50MP కెమెరా, 4K వీడియో రికార్డింగ్ వంటి ప్రీమియం ఫీచర్లతో విడుదల!

OnePlus 13s: OnePlus సంస్థ నేడు (జూన్ 5) తన కొత్త ఫ్లాగ్‌షిప్ ఫోన్ OnePlus 13s ని భారత మార్కెట్‌లో అధికారికంగా విడుదల చేసింది. స్టైలిష్ లుక్, ఆకట్టుకునే డిజైన్ మరియు శక్తివంతమైన ఫీచర్లతో ఈ స్మార్ట్‌ఫోన్ టెక్ ప్రేమికులను కట్టిపడేస్తుంది. ఫోన్‌లో 6.32 అంగుళాల 1.5K LTPO AMOLED డిస్‌ప్లే, క్వాల్‌కం స్నాప్‌డ్రాగన్ 8 ఎలైట్ 4nm ప్రాసెసర్ ఉంటాయి.

OnePlus 13sలో 1Hz నుండి 120Hz వరకు డైనమిక్ రిఫ్రెష్ రేట్ ఉన్న డాల్బీ విజన్ సపోర్ట్ స్క్రీన్ ఉంది. మెటల్ ఫ్రేమ్, 2.5D కర్వ్డ్ గ్లాస్ డిజైన్‌తో ఫోన్ స్టైలిష్‌గా ఉంది.

4.32GHz క్లాక్ స్పీడ్ కలిగిన స్నాప్‌డ్రాగన్ 8 ఎలైట్ చిప్‌సెట్, 12GB RAM, 256GB లేదా 512GB UFS 4.0 స్టోరేజ్ వేరియంట్లలో లభిస్తుంది. ఆండ్రాయిడ్ 15 ఆధారిత ఆక్సిజన్ OS 15తో వస్తుంది. ఈ ఫోన్‌కి 4 సంవత్సరాల ఆండ్రాయిడ్ అప్‌డేట్లు, 6 సంవత్సరాల భద్రతా అప్‌డేట్లు ఇస్తారు.

కెమెరా విషయానికి వస్తే, వెనుకభాగంలో 50MP ప్రైమరీ కెమెరా (Sony LYT-700 సెన్సార్) మరియు 50MP 2x టెలిఫోటో లెన్స్ ఉన్నాయి. ముందుగానే 32MP అల్ట్రా ఫోకస్ కెమెరాతో 4K 30fps వీడియో రికార్డింగ్ చేయవచ్చు. అల్ట్రావైడ్ కెమెరా లేదు.

ముఖ్య ఫీచర్లు: 5,850mAh బ్యాటరీ, 80W SuperVOOC ఫాస్ట్ ఛార్జింగ్, IP65 వాటర్ & డస్ట్ రెసిస్టెన్స్, డ్యూయల్ 5G, Wi-Fi 7, బ్లూటూత్ 6.0, ఇన్-డిస్‌ప్లే ఫింగర్‌ప్రింట్ సెన్సార్, స్టీరియో స్పీకర్లు, నాలుగు మైక్రోఫోన్లు.

రంగులు: బ్లాక్ వెల్వెట్, పింక్ శాటిన్, ఇండియా ఎక్స్‌క్లూజివ్ గ్రీన్ సిల్క్.

ధర: 12GB + 256GB వేరియంట్ రూ. 54,999, 12GB + 512GB వేరియంట్ రూ. 59,999.

ఈ ఫోన్ ప్రీ-బుకింగ్ రూ. 1,999 తో ప్రారంభమైంది మరియు జూన్ 12 నుండి అధికారిక వెబ్‌సైట్, అమెజాన్, వన్‌ప్లస్ ఎక్స్‌పీరియన్స్ స్టోర్స్, రిలయన్స్ డిజిటల్, క్రోమా, విజయ్ సేల్స్, బజాజ్ ఎలక్ట్రానిక్స్ వంటి స్టోర్లలో లభిస్తుంది.

ప్రీ-బుకింగ్ ఆఫర్లలో SBI కార్డ్‌దారులకు రూ. 5,000 తగ్గింపు లేదా ఎక్సేంజ్ బోనస్, 15 నెలల నో-కాస్ట్ EMI, 180 రోజుల ఫోన్ రీప్లేస్‌మెంట్ ప్లాన్, 3 సంవత్సరాల బ్యాటరీ ప్రొటెక్షన్ ప్లాన్ మరియు రూ. 2,099 విలువైన Nord Buds 3 ఉచితంగా లభిస్తాయి.