OnePlus 12 5G: భారీగా ధర తగ్గిన వన్‌ప్లస్ ఫోన్.. తొలిసారిగా అత్యంత చౌకగా లభ్యం..!

Oneplus 12 5g price drop rs 8000 check offers

OnePlus 12 5G: వన్‌ప్లస్ 12 5జీ ధర మరోసారి భారీగా తగ్గింది. ఈ ఫ్లాగ్‌షిప్ స్మార్ట్‌ఫోన్ చాలా తక్కువ ధరలో లభిస్తుంది. స్మార్ట్‌ఫోన్ 12జీబీ ర్యామ్ + 256జీబీ, 16జీబీ ర్యామ్ + 512జీబీ రెండు స్టోరేజ్ వేరియంట్‌లలో విడుదలైంది. వన్‌ప్లస్ 13 విడుదలైన తర్వాత ఈ ఫోన్‌ ధర తగ్గడం ప్రారంభమైంది. కాబట్టి వన్‌ప్లస్ 12 5జీ స్మార్ట్‌ఫోన్ ధర, ఆఫర్లు, ఫీచర్లు తదితర వివరాలు తెలుసుకుందాం.

రూ. 64,999 ప్రారంభ ధరతో ఈ ఫోన్ ఈ-కామర్స్ వెబ్‌సైట్ అమెజాన్‌లో ఉంది. అయితే ఇప్పడు రూ.8,000 తగ్గింపుతో ఈ ఫోన్‌ను రూ.56,999 ధరతో కొనుగోలు చేయచ్చు. అదనంగా, ఫోన్ కొనుగోలుపై రూ.4,000 తగ్గింపు అందుబాటులో ఉంటుంది. ఈ ఫోన్‌ను ఎమరాల్డ్, వైట్, బ్లాక్ అనే మూడు కలర్స్ వేరియంట్స్‌లో ఉంటుంది.

వన్‌ప్లస్ 12 5జీలో 6.82-అంగుళాల 120Hz ProXDR డిస్‌ప్లే ఉంది. ఫోన్ డిస్‌ప్లే‌కి కార్నింగ్ గొరిల్లా గ్లాస్ విక్టస్ 2 ప్రొటక్షన్ ఉంది. అంతేకాకుండా ఇది HDR10తో సహా అనేక ప్రో గ్రేడ్ ఫీచర్‌లకు సపోర్ట్ ఇస్తుంది. ఈ ఫోన్ డిస్‌ప్లే గరిష్టంగా 4,500 నిట్‌ల బ్రైట్‌నెస్‌కు కూడా సపోర్ట్ ఇస్తుంది. ఇన్-డిస్ప్లే ఫింగర్ ప్రింట్ సెన్సార్‌ కూడా ఉంది. ఈ డిస్‌ప్లే రిజల్యూషన్ FHD+ అంటే 3168 x 1440 పిక్సెల్స్.

క్వాల్కమ్ స్నాప్‌డ్రాగన్ 8 జెన్ 3 ఫ్లాగ్‌షిప్ ప్రాసెసర్‌తో పనిచేస్తుంది. కంపెనీ ఫోన్‌లో 16జీబీ ర్యామ్+ 512జీబీ UFS 4.0 స్టోరేజ్ సపోర్ట్‌ను అందించింది. ఈ వన్‌ప్లస్ ఫోన్ డ్యూయల్ బ్యాండ్ వై-ఫై, బ్లూటూత్, ఐఆర్ బ్లాస్టర్, ఎన్‌ఎఫ్‌సి, 5 జి, 4 జి వంటి కనెక్టివిటీ ఫీచర్లను సపోర్ట్ చేస్తుంది. అలానే AI ఫీచర్లు కూడా ఉన్నాయి.

వన్‌ప్లస్ 12 5జీలో 5,400 mAh శక్తివంతమైన బ్యాటరీ ఉంది. ఈ ఫోన్‌ను ఛార్జ్ చేయడానికి 100W SuperVOOC ఫాస్ట్ వైర్డ్ ఛార్జింగ్ ఫీచర్ అందుబాటులో ఉంది. అదేవిధంగా, ఇది 50W AirVOOC వైర్‌లెస్ ఛార్జింగ్‌కు కూడా సపోర్ట్ ఇస్తుంది. ఈ ఫోన్‌కు IP67 రేటింగ్‌ ఉంది. ఇది ఆండ్రాయిడ్ 14 ఆధారంగా ఆక్సిజన్ OS 14‌లో పనిచేస్తుంది.

ఈ వన్‌ప్లస్ ఫోన్ వెనుక భాగంలో ట్రిపుల్ కెమెరా సెటప్ అందుబాటులో ఉంది. ఫోన్‌లో 50MP Sony LYT 808 ప్రైమరీ కెమెరా సెన్సార్ ఉంది. అంతేకాకుండా, ఈ ఫోన్‌లో 64MP 3x ఆప్టికల్ జూమ్ కెమెరా ఉంది. ఫోన్‌లో 48MP కెమెరా కూడా ఉంది. ఆప్టికల్ ఇమేజ్ స్టెబిలైజేషన్ ఫీచర్, 120x డిజిటల్ జూమ్ సపోర్ట్ ఉన్నాయి. సెల్ఫీ, వీడియో కాలింగ్ కోసం 32MP కెమెరా ఉంది.