Lava Shark 5G: చుక్కలు చూపిస్తున్న దేశీయ బ్రాండ్.. రూ.8 వేలకే లావా కొత్త 5జీ ఫోన్.. డోంట్ మిస్..!

Lava Shark 5G: దేశీయ బ్రాండ్ లావా ఇంటర్నేషనల్ లిమిటెడ్ చైనా కంపెనీల టెన్షన్‌ను పెంచింది. లావా రూ.8,000 కంటే తక్కువ ధరకే కొత్త 5G స్మార్ట్‌ఫోన్‌ను ప్రవేశపెట్టింది. ఈ ఫోన్ 5000mAh బ్యాటరీతో సహా అనేక వవర్‌ఫుల్ ఫీచర్స్‌తో వస్తుంది. ఇది కాకుండా, కంపెనీ వచ్చే నెలలో మరో బడ్జెట్ బోల్డ్ N1 సిరీస్‌ను ప్రారంభించబోతోంది. ఈ సిరీస్ రూ. 6,000 కంటే తక్కువ ధరకు విడుదల కానుంది. దీని ధర, లాంచ్ తేదీని ఈ-కామర్స్ వెబ్‌సైట్ అమెజాన్‌లో వెల్లడించారు.

లావా ఈ కొత్త ఫోన్ షార్క్ 5G పేరుతో లాంచ్ అయింది. ఇది ఒకే స్టోరేజ్ ఆప్షన్‌లో వస్తుంది - 4GB RAM, 64GB. దీని ర్యామ్‌ని 8GB వరకు విస్తరించవచ్చు. మైక్రో SD కార్డ్ ద్వారా ఫోన్ స్టోరేజ్‌ను పెంచవచ్చు. ఈ లావా ఫోన్ రూ.7,999 ధరకు లాంచ్ చేశారు. దీని వెనుక భాగంలో స్టైలిష్ నిగనిగలాడే ప్యానెల్ ఉంది, ఇది దీనికి ప్రీమియం లుక్ ఇస్తుంది. ఈ ఫోన్ లావా ఆన్‌లైన్, ఆఫ్‌లైన్ ఛానెల్‌ల ద్వారా సేల్‌కి వస్తుంది. ఈ ఈ ఫోన్ చైనీస్ బ్రాండ్లు షియోమీ, రెడ్‌మీ, రియల్‌మీ, వివో, ఇన్‌ఫినిక్స్, ఒప్పో, ఫోకోల బడ్జెట్ 5G ఫోన్‌లకు గట్టి పోటీని ఇస్తుంది.

Lava Shark 5G

లావా నుండి వచ్చిన ఈ అల్ట్రా బడ్జెట్ 5G స్మార్ట్‌ఫోన్ 6ఎన్ఎమ్ టెక్నాలజీపై ఆధారపడిన Unisoc T765 5G ఆక్టాకోర్ ప్రాసెసర్‌పై పనిచేస్తుంది. ఈ ఫోన్ 4జీబీ ర్యామ్, 64జీబీ ఆన్‌బోర్డ్ స్టోరేజ్‌కు సపోర్ట్ ఇస్తుంది. ఈ ఫోన్ 90Hz రిఫ్రెష్ రేట్‌కు సపోర్ట్ ఇచ్చే పెద్ద 6.75-అంగుళాల HD+ డిస్‌ప్లేతో వస్తుంది. ఈ ఫోన్ 5000mAh బ్యాటరీతో 18W USB టైప్ C ఛార్జింగ్ సపోర్ట్‌తో వస్తుంది.

లావా షార్క్ 5G తాజా ఆండ్రాయిడ్ 15 ఆపరేటింగ్ సిస్టమ్‌పై పనిచేస్తుంది. ఈ ఫోన్ వెనుక భాగంలో 13MP AI కెమెరా అందుబాటులో ఉంటుంది. సెల్ఫీ, వీడియో కాలింగ్ కోసం 5MP కెమెరా ఉంది. ఈ ఫోన్ IP54 రేటింగ్ బిల్డ్‌తో విడుదలైంది. దీని కారణంగా వాటర్, డస్ట్ ప్రూఫ్‌గా ఉంటుంది. ఈ ఫోన్‌తో కంపెనీ 1 సంవత్సరం పాటు ఉచిత హోమ్ సర్వీస్‌ను అందిస్తుంది.