Jio Bharat J1: అంబానీయా.. మజాకానా.. రూ. 1,799లకే ఫోన్..!

Jio Bharat J1: గ్రామాల్లోని వృద్ధులు స్మార్ట్‌ఫోన్లపై విరక్తి చెందుతున్నారు. స్మార్ట్‌ఫోన్‌లను కొనడం, ఉపయోగించడం ఇబ్బందిగా భావిస్తున్నారు. అటువంటి పరిస్థితిలో ఫీచర్ ఫోన్‌లు వారికి ఎంపికగా మారతాయి. అయితే చాలా ఫీచర్ ఫోన్‌లు లిమిటెడ్ ఫీచర్లతో వస్తున్నాయి. ఈ క్రమంలో ప్రముఖ టెలికాం దిగ్గజం జియో సంచలన నిర్ణయం తీసుకుంది. Jio Bharat J1 ఫీచర్ ఫోన్‌ తీసుకురానుంది. ఇందులో బెస్ట్ ఫీచర్లను ఆఫర్ చేయనుంది. తక్కువ ధరలకు ఫీచర్ ఫోన్‌లను కొనుగోలు చేసే వారికి ఇది స్మార్ట్‌ఫోన్‌గా ఉపయోగపడుతుంది. ఈ ఫోన్ ఫీచర్లు, ధర తదితర వివరాలు తెలుసుకుందాం.

Jio Bharat J1 Specifications
మీరు JioBharat J1 ఫీచర్ ఫోన్‌లో మీకు ఇష్టమైన భాషలో 455+ లైవ్ టీవీ ఛానెల్‌లను చూడవచ్చు. ఇందులో ఎంటర్‌‌టైన్మెంట్ ఛానెల్‌లు, న్యూస్ ఛానెల్‌లు, స్పోర్ట్స్‌తో సహా అన్ని రకాల టీవీ ఛానెల్‌లను చూడొచ్చు. ఫోన్‌లో జియో సినిమా కూడా ఉంటుంది. ఇది తెలుగు, హిందీ, ఇంగ్లీష్, మరాఠీ, గుజరాతీ, బెంగాలీతో సహా 23 భాషలకు సపోర్ట్ ఇస్తుంది.

ఫోన్ ద్వారా కూడా ఆన్‌లైన్ పేమెంట్స్ సులభంగా చేయవచ్చు. ఇది కాకుండా మీరు కీప్యాడ్ మొబైల్ ఫోన్‌లో మీ సొంత భాషలో 8 కోట్లకు పైగా పాటలను వినవచ్చు. ఇందులో జియో సావన్ అందుబాటులో ఉంది.Jio Bharat HD వాయిస్ కాలింగ్ సామర్థ్యం ఇతర ఫీచర్ ఫోన్‌ల కంటే మెరుగ్గా ఉంది. ఇది ఫ్లాష్‌లైట్‌తో కూడిన 0.3MP కెమెరా సెన్సార్‌ను కలిగి ఉంది.

ఈ కొత్త ఫీచర్ ఫోన్ ఒకే ఛార్జ్‌పై దీర్ఘకాలిక ఉపయోగం కోసం 2,500mAh బ్యాటరీతో వస్తుంది. కీప్యాడ్ ఫోన్‌లో ఇయర్‌ఫోన్‌ల కోసం 3.5mm ఆడియో జాక్, FM రేడియో, మైక్రో SD కార్డ్ ద్వారా 128GB వరకు ఇంటర్నల్ స్టోరేజ్ ఉన్నాయి. ఫోన్ 2.80 అంగుళాల డిస్‌ప్లేతో వస్తుంది. Jio Bharat J1 4G అనేది సింగిల్ సిమ్ మొబైల్. దేశంలో ఈ 4G ఫోన్ ప్రారంభ ధర రూ. 1,799.