Honda: హోండా బైక్‌పై లక్షరూపాయలకు పైగా తగ్గింపు.. ఆఫర్ ఏంటంటే..?

Honda: హోండా కొత్త CB500Xతో భారతదేశంలో తన ప్రీమియం బైక్ శ్రేణిని విస్తరించింది. కంపెనీ ఈ బైక్‌ను రూ.6.87 లక్షల ఎక్స్-షోరూమ్ ధరతో విడుదల చేసింది. ఈ ధర వద్ద కొంతమంది బైకర్లు మాత్రమే కొనుగోలు చేయగా మిగిలిన కస్టమర్లు అధక ధరతో ముందుకు రాలేకపోతున్నారు. ఇప్పుడు కంపెనీ కస్టమర్లకు గొప్ప అవకాశాన్ని అందిస్తుంది. CB500X బైక్‌ ధరపై పెద్ద తగ్గింపును ప్రకటించింది. హోండా బిగ్‌వింగ్ డీలర్‌షిప్ నుంచి అందిన సమాచారం ప్రకారం బైక్ ధర రూ. 1.07 లక్షలు తగ్గింది. ఆ తర్వాత దాని కొత్త ఎక్స్-షోరూమ్ ధర రూ.5.80 లక్షలు. యువ కస్టమర్లలో కొనుగోలు పరిధిని పెంచడానికి హోండా ఈ బైక్‌ ధరలను తగ్గించింది.

హోండా CB500X డిజైన్ హోండా ఆఫ్రికా ట్విన్ మాదిరిగానే ఉంటుంది. CB500X పూర్తిగా LED లైటింగ్, 181 mm గ్రౌండ్ క్లియరెన్స్‌తో వస్తుంది. ఈ బైక్ 8-వాల్వ్, లిక్విడ్-కూల్డ్, 471 సిసి, సమాంతర-ట్విన్ ఇంజన్‌తో వస్తుంది. ఇది 8,500 ఆర్‌పిఎమ్ వద్ద 47 బిహెచ్‌పి పవర్, 6,500 ఆర్‌పిఎమ్ వద్ద 43.2 ఎన్ఎమ్ గరిష్ట టార్క్‌ను ఉత్పత్తి చేస్తుంది. CB500X అసిస్ట్, స్లిప్పర్ క్లచ్‌తో వస్తుంది. ఇది అధిక వేగంతో గేర్‌ వేయడం, ఆఫ్ చేయడం సులభంగా జరుగుతుంది. ఈ బైక్ డైమండ్ ఆకారపు స్టీల్ ట్యూబ్ ఫ్రేమ్‌పై నిర్మించారు.

CB500X సీటు ఎత్తు 830mmహోండా CB500X ముందు భాగంలో 41 mm ఫోర్క్‌లను అందించారు. వెనుకవైపు హోండా ప్రో-లింక్ సస్పెన్షన్‌తో 9-దశల స్ప్రింగ్ ప్రీ-లోడ్ అమర్చారు. బైక్ మల్టీ-స్పోక్ కాస్ట్ అల్యూమినియం వీల్స్ ముందు 19-అంగుళాలు, వెనుక 17-అంగుళాల కలయికతో వస్తుంది. CB500X సీటు ఎత్తు 830 mm, డ్రైవర్‌ను బట్టి మార్చుకోవచ్చు. ఆకస్మిక బ్రేకింగ్ సందర్భంలో, ఎమర్జెన్సీ స్టాప్ సిగ్నల్ పనిచేస్తుంది. ముందు, వెనుక లైట్లు స్వయంచాలకంగా మెరుస్తాయి. హోండా సాధారణంగా డ్యూయల్-ఛానల్ ABSతో వచ్చే CB500X ఫ్రంట్ వీల్ వద్ద 310 mm డిస్క్ బ్రేక్‌లు, వెనుక భాగంలో 240 mm డిస్క్ బ్రేక్‌లను అందిస్తుంది.