SmartPhone Storage: మొబైల్‌ స్టోరేజ్ ఫుల్ అయిందా.. ఈజీ స్టెప్స్ ఫాలో చేస్తే.. కావాల్సినంత స్పేస్..!

SmartPhone Storage: మొబైల్ ఫోన్లతో ఎన్నో పనులు ఈజీగా చేసేస్తున్నాం. ఇందుకోసం ఫోన్లో ఎన్నో రకాలమైన యాప్‌లను ఇన్‌స్టాల్ చేస్తుంటాం. ఫీచర్లు పెరుగుతున్నా కొద్దీ.. ఫొటోల, వీడియోల సైజు విపరీతంగా పెరుగిపోతుంది. ఇటువంటి పరిస్థితిలో స్టోరేజ్ ఫుల్ అవుతుంది. స్టోరేజ్‌లో ఫోటోలు లేదా వీడియోలతో మాత్రమే కాకుండా ఫోన్‌లో ఉన్న యాప్ డేటాతో చాలా డేటా ఉంటుంది. అందుకే మీరు మీ ఫోన్‌ను సమయానికి క్లీన్ చేసుకోవడం చాలా ముఖ్యం.

స్మార్ట్‌ఫోన్ స్టోరేజ్‌ ఫుల్ అవ్వడం పెద్ద సమస్య. ఈ రోజుల్లో కంపెనీలు 64GB, 128GB స్టోరేజ్‌తో బడ్జెట్ స్మార్ట్‌ఫోన్‌లను లాంచ్ చేస్తున్నాయి. ఇంత పెద్ద స్టోరేజ్ ఉన్నా.. విపరీతమైన యాప్స్, ఫొటోలు, వీడియోలతో నిండిపోతుంటాయి. దీనికి చాలా కారణాలు ఉండవచ్చు. కానీ, ఇప్పుడు దాని గురించి ఆందోళన చెందాల్సిన అవసరం లేదు. మీ స్మార్ట్‌ఫోన్‌లో స్టోరేజీని ఖాళీ చేయాలని అనుకుంటే, ఇందుకు అనేక మార్గాలు ఉన్నాయి. ఈ పద్ధతుల గురించి తెలుసుకుందాం..

ఫోన్ స్టోరేజ్‌ను ఖాళీ చేయడానికి మీరు Google Play స్టోర్‌ని ఉపయోగించవచ్చు. దీని కోసం మీరు గూగుల్ ప్లే స్టోర్‌కి వెళ్లి మీ ప్రొఫైల్‌పై క్లిక్ చేయాలి. ఆ తర్వాత మీరు యాప్‌లను మ్యానేజ్ చేసుకోవచ్చు.

మీరు ఉపయోగించని యాప్‌లను తొలగించవచ్చు. దీని కోసం మీరు అన్‌ఇన్‌స్టాల్ బటన్‌పై క్లిక్ చేయాలి. ఈ విధంగా మీరు Google Play Store సహాయంతో ఫోన్‌లో స్టోరేజ్‌ను ఖాళీ చేసుకోవచ్చు.

ఫోటోలు, వీడియోలను నిల్వ చేయడానికి క్లౌడ్ సేవలు మంచి మార్గం. ఫోన్ స్టోరేజ్‌ను ఖాళీ చేయడానికి ఫోటోలు, వీడియోలను తీసివేయాలనుకుంటే, మీరు వాటిని క్లౌడ్‌లో బ్యాకప్ చేయవచ్చు. దీని కోసం మీరు Google ఫోటోల యాప్‌ని ఉపయోగించవచ్చు.

ఒకవేళ ఇప్పటికే క్లౌడ్‌ను ఉపయోగిస్తుంటే, మీరు ఫోన్ నుంచి ఫోటోలు, వీడియోలను తొలగించవచ్చు. అయితే, వాటిని తొలగించే ముందు, అవి బ్యాకప్ అయ్యాయా లేదా అని ఒకసారి చెక్ చేసుకోవాలి.

అన్ని Android స్మార్ట్‌ఫోన్‌లు Google ఫైల్ యాప్‌ను కలిగి ఉంటాయి. మీ స్మార్ట్‌ఫోన్‌లో స్టోరేజ్‌ను పొందడానికి, మీరు ఈ యాప్‌ని ఓపెన్ చేయాలి. ఇందులో లార్జ్ ఫైల్స్ ఆప్షన్‌లోకి వెళ్లాలి, అందులో ఫోన్‌లోని అన్ని పెద్ద ఫైల్స్ గురించిన సమాచారం వస్తుంది.

ఇక్కడ నుంచి మీరు ఉపయోగించని ఫైల్‌లను సులభంగా తొలగించవచ్చు. లార్జ్ ఫైల్స్ ట్యాగ్‌పై క్లిక్ చేయడం ద్వారా, మీరు పెద్ద ఫైల్‌లను తొలగించవచ్చు. దీని కారణంగా ఫోన్ స్టోరేజ్ త్వరగా అయిపోతుంది.

ఫోన్ సెట్టింగ్స్‌లోకి వెళ్లి యాప్స్ ఆప్షన్‌పై క్లిక్ చేయాలి. దీని తర్వాత, ఏదైనా యాప్‌పై క్లిక్ చేసి, ఆపై స్టోరేజ్ ఆఫ్షన్‌కు వెళ్లాలి. ఇక్కడ మీరు Clear Cache ఆప్షన్ ఎంచుకోవాలి. ఈ విధంగా మీరు ఫోన్ స్టోరేజ్‌ను ఖాళీ చేయవచ్చు.

ప్రపంచంలో అత్యధికంగా ఉపయోగించే ఇన్‌స్టంట్ మెసేజింగ్ యాప్ వాట్సాప్. ఇది భారతదేశంలోని మిలియన్ల మంది వినియోగదారులను కలిగి ఉంది. ఒకరితో ఒకరు సందేశాలు, ఫోటోలను పంచుకుంటుంటారు. వాట్సాప్ వినియోగదారుల ఫోన్‌ల నుంచి చాలా వీడియోలు, ఫోటోలు చాలా కాలం పాటు అలాగే ఉంటాయి. ఇది ఫోన్ స్టోరేజ్‌ను తగ్గిస్తుంది. వాటిని తొలగించడం ద్వారా, వినియోగదారులు ఫోన్ స్టోరేజ్ ఖాళీ చేయవచ్చు.

ఫోటోలు, వీడియోలను తొలగించడానికి, మీరు WhatsApp స్టోరేజ్ మేనేజర్‌ని ఉపయోగించవచ్చు. ఇందుకోసం వాట్సాప్ ఓపెన్ చేసి అందులో సెట్టింగ్స్‌లోకి వెళ్లాలి. ఇక్కడ మీరు నిల్వ, డేటా ఎంపికను పొందుతారు. ఇక్కడ మీరు 5MB కంటే ఎక్కువ పరిమాణంలో ఉన్న ఫైల్‌లను అవసరానికి అనుగుణంగా తొలగించవచ్చు.