SRH Vs RCB: మళ్లీ ఓడిన సన్‌రైజర్స్‌.. బెంగళూరు ఘన విజయం..

SRH Vs RCB: సన్‌రైజర్స్ హైదరాబాద్ మరోసారి చేతులెత్తేసింది. రాయల్ ఛాలెంజర్స్ బెంగళూరుతో జరిగిన తాజా మ్యాచ్‌లో 193 పరుగుల లక్ష్యాన్ని ఛేదించలేక చతికలబడింది. 67 పరుగుల తేడాతో బెంగళూరు రాయల్ ఛాలెంజర్స్ జట్టు గెలిచింది. ఈ రెండు జట్ల మధ్య చివరగా జరిగిన మ్యాచ్‌లో బెంగళూరు బ్యాటర్లు పూర్తిగా విఫలమయ్యారు. కేవలం 69 పరుగులకే ఆర్సీబీ ఆలౌట్ అవగా.. 8 ఓవర్లలోనే సన్‌రైజర్స్ విజయం సాధించింది. ఆ ఓటమికి ఈసారి బెంగళూరు ప్రతీకారం తీర్చుకుంది. హైదరాబాద్‌కిది వరుసగా నాలుగో ఓటమి కావడం గమనార్హం. ఈ విజయంతో బెంగళూరు ప్లేఆఫ్స్ ఛాన్స్‌లను మరింత మెరుగుపర్చుకోగా.. ఓటమిబాటలో కొనసాగుతున్న హైదరాబాద్‌ అవకాశాలను తగ్గించుకుంటోంది.