క్రికెట్ కి వీడ్కోలు చెప్పిన పార్థివ్ పటేల్ !

భారత మాజీ వికెట్ కీపర్ పార్థివ్ పటేల్ (35) క్రికెట్ కు రిటైర్మెంట్ ప్రకటించాడు. అన్ని ఫార్మాట్ల నుంచి తప్పుకుంటున్నట్లు బుధ‌వారం వెల్లడించాడు పార్థివ్ . 17 ఏళ్లకే అంతర్జాతీయ క్రికెట్లో అరంగేట్రం చేసిన పార్థివ్.. యంగెస్ట్ వికెట్ కీపర్ గా రికార్డు సృష్టించాడు. మొత్తం తన కెరీర్ లో 25 టెస్టులు, 38 వన్డేలు, 2 టీ20లు ఆడాడు. ఇక గుజరాత్ తరపున 194 ఫస్ట్ క్లాస్ మ్యాచులు ఆడిన పటేల్.. 2017లో సారథిగా గుజరాత్ టీంకు రంజీ ట్రోఫీ అందించాడు. ఐపీఎల్‌లో పార్థివ్ రాయ‌ల్ చాలెంజ‌ర్స్ బెంగ‌ళూరు టీమ్ త‌ర‌ఫున ఆడుతున్నాడు.

ఈ 18 ఏళ్ల త‌న కెరీర్‌లో త‌న‌కు స‌హ‌క‌రించిన బీసీసీఐ, అంద‌రు కెప్టెన్ల‌కు, ఆటగాళ్ళకు కృత‌జ్ఞ‌త‌లు చెబుతూ.. ట్విట‌ర్‌లో ఓ లేఖ‌ను పోస్ట్ చేశాడు. కెరీర్ మొదట్లో పర్వాలేదనిపించిన పార్థివ్ పటేల్... ఆ తరవాత దినేష్ కార్తీక్, ధోనిల రాకతో పూర్తిగా డౌన్ ఫాల్ అయ్యాడు. ఇక పార్థివ్‌ తన చివరి టెస్టు మ్యాచ్‌ను 2018లో దక్షిణాఫ్రికాతో ఆడగా, 2012లో ఇంగ్లండ్‌తో చివరి వన్డే ఆడాడు.