Jasprit Bumrah: ఆస్ట్రేలియాలో 46 ఏళ్ల రికార్డును బద్దలు కొట్టి చరిత్ర సృష్టించిన బుమ్రా..!

Jasprit Bumrah: ఆస్ట్రేలియా వేదికగా భారత్, ఆస్ట్రేలియా మధ్య 5వ టెస్టు మ్యాచ్ జరుగుతోంది. భారత ఫాస్ట్ బౌలర్ జస్ప్రీత్ బుమ్రాకు ఈ సిరీస్ చిరస్మరణీయమైనది. తను ప్రస్తుతం అద్భుతమైన ఫామ్‌లో ఉన్నాడు. అనేక రికార్డులను ఒకదాని తర్వాత ఒకటి బద్దలు కొడుతున్నాడు. బుమ్రా ఈ సిరీస్‌లో అత్యుత్తమ బౌలర్. అవకాశం దొరికినప్పుడల్లా వికెట్లు తీస్తూ టీమ్ ఇండియా స్థానాన్ని పటిష్టం చేశాడు. తన అద్భుత బౌలింగ్‌తో చరిత్ర సృష్టించాడు. సిడ్నీ టెస్టు మ్యాచ్‌లో జస్ప్రీత్ బుమ్రా 46 ఏళ్ల రికార్డును బద్దలు కొట్టాడు. ఆస్ట్రేలియాతో జరిగిన సిరీస్‌లో అత్యధిక వికెట్లు తీసిన భారత బౌలర్‌గా నిలిచాడు. గతంలో ఈ రికార్డు బిషన్ సింగ్ బేడీ పేరిట ఉండేది. 1977/78 ఆస్ట్రేలియా పర్యటనలో బేడీ 31 వికెట్లు తీశాడు. బుమ్రా ఇప్పటివరకు 32 వికెట్లు తీశాడు. ఆట ముగిసే సమయానికి అతను 35 వికెట్ల గరిష్ఠ స్థాయికి చేరుకోవచ్చని అంచనా.

పెర్త్‌లో 8 వికెట్లు తీసిన బుమ్రా

ఆస్ట్రేలియాలో బుమ్రాకు ఇది మూడో టెస్టు పర్యటన. పెర్త్‌లో జరిగిన తొలి మ్యాచ్‌లో ఎనిమిది వికెట్లు తీశాడు. ఆ మ్యాచ్‌లో రోహిత్ శర్మ గైర్హాజరీలో బుమ్రా కెప్టెన్‌గా వ్యవహరించాడు. పెర్త్‌లో విజయంతో సిరీస్‌ను ప్రారంభించిన భారత్ భారీ ఫీట్ సాధించింది. అప్పటి నుంచి భారత్ ఏ మ్యాచ్‌లోనూ విజయం సాధించలేకపోయింది.

అడిలైడ్‌లో 4 వికెట్లు

రెండో టెస్టు అడిలైడ్‌లో జరిగింది. ఇక్కడ బుమ్రా నాలుగు వికెట్లు తీశాడు. మూడో టెస్టులో 9 వికెట్లు తీసి సంచలనం సృష్టించాడు. బాక్సింగ్ డే టెస్టులో బుమ్రా తొమ్మిది వికెట్లు పడగొట్టాడు. ఎస్‌సిజి టెస్టులో బుమ్రా ఇప్పటివరకు 2 వికెట్లు తీశాడు. రోహిత్ శర్మ ఆడకపోవడంతో మరోసారి కెప్టెన్‌గా వ్యవహరిస్తున్నాడు.

ఫైనల్ చేరాలంటే భారత్‌కు విజయం అవసరం

ప్రపంచ టెస్ట్ ఛాంపియన్‌షిప్ ఫైనల్‌కు చేరుకోవాలనే తమ ఆశలను సజీవంగా ఉంచుకోవాలంటే SCGలో జరిగే మ్యాచ్‌లో భారత్ గెలవాలి. అయితే, విజయం భారత్‌కు ఫైనల్స్‌లో చోటు దక్కడం గ్యారెంటీ కాదు. దీన్ని నిర్ణయించడంలో ఇతర మ్యాచ్‌ల ఫలితాలు కీలక పాత్ర పోషిస్తాయి. దక్షిణాఫ్రికా ఇప్పటికే డబ్ల్యూటీసీ ఫైనల్‌కు అర్హత సాధించింది.