IPL 2023: హీరోల నుంచి జీరోలయ్యారు.. ఫ్రాంచైజీ డబ్బును వృధా చేసిన అత్యంత ఖరీదైన స్టార్ ప్లేయర్స్..

చెన్నై సూపర్ కింగ్స్ సోమవారం (మే 29) చరిత్ర సృష్టించింది. అహ్మదాబాద్‌లోని నరేంద్ర మోదీ స్టేడియంలో మహేంద్ర సింగ్ ధోనీ నేతృత్వంలోని చెన్నై ఐదు వికెట్ల తేడాతో గుజరాత్ టైటాన్స్‌ను ఓడించి ఐదోసారి టైటిల్ గెలుచుకుంది. ఐపీఎల్‌లో అత్యధిక విజయాలు సాధించిన ముంబై ఇండియన్స్‌ను చెన్నై సమం చేసింది. ముంబైకి కూడా ఐదు ట్రోఫీలు సొంతం చేసుకుంది. ఐపీఎల్ 2023లో చాలా మంది విదేశీ ఆటగాళ్లు ఫ్లాప్ అయ్యారు. చాలా మంది ఫ్రాంఛైజీలు తమ పేలవమైన పనితీరు కారణంగా డబ్బును కోల్పోయారు.

ప్రతి సంవత్సరం మాదిరిగానే యశస్వి జైస్వాల్, రింకూ సింగ్ వంటి చాలా మంది యువ ఆటగాళ్ళు IPL 2023లో అద్భుతంగా రాణించారు. అయితే ఫ్రాంచైజీలు కోట్ల రూపాయలు ఖర్చు చేసి మినీ-వేలంలో చేర్చుకున్న ఆటగాళ్లు కూడా ఉన్నారు. కానీ, వారు జట్టును నిరాశపరిచారు. IPL 2023లో టాప్ 5 ఫ్లాప్ స్టార్ ప్లేయర్స్ ఎవరో ఇప్పుడు తెలుసుకుందాం..

16వ సీజన్‌లో ఫ్లాప్ అయిన ప్లేయర్లు..

సామ్ కర్రాన్:

ఈ జాబితాలో అగ్రస్థానంలో ఉన్న సామ్ కరణ్, IPL 2023లో అత్యంత ఖరీదైన ఆటగాడిగా నిలిచాడు. అతను పంజాబ్ కింగ్స్‌ తరపున అద్భుత ప్రదర్శన చేయడంలో విఫలమయ్యాడు. అతను 14 మ్యాచ్‌ల్లో 13 ఇన్నింగ్స్‌ల్లో 1 అర్ధ సెంచరీతో సహా మొత్తం 276 పరుగులు చేశాడు. 2023 మినీ వేలంలో సామ్ కరణ్‌ను పంజాబ్ కింగ్స్ రూ. 18.25 కోట్లకు కొనుగోలు చేసింది.

బెన్ స్టోక్స్:

ఈ జాబితాలో రెండవ స్థానంలో ఉన్న ఇంగ్లండ్ స్టార్ ఆల్ రౌండర్ బెన్ స్టోక్స్, IPL 2023లో చెన్నై సూపర్ కింగ్స్ రూ. 16.25 కోట్లకు దక్కించుకుంది. అయితే ఫ్రాంచైజీ అంచనాలను అందుకోవడంలో విఫలమయ్యాడు. బెన్ స్టోక్స్ కేవలం 2 మ్యాచ్‌ల్లోనే 15 పరుగులు మాత్రమే చేశాడు. కాలి గాయం కారణంగా బెన్ స్టోక్స్ ఐపీఎల్‌కు దూరమయ్యాడు.

హ్యారీ బ్రూక్:

ఇంగ్లండ్ స్టార్ బ్యాట్స్‌మెన్ హ్యారీ బ్రూక్‌ను సన్ రైజర్స్ హైదరాబాద్ మినీ వేలంలో రూ. 13.25 కోట్లకు కొనుగోలు చేసింది. అయితే హైదరాబాద్ ఆటగాడు ఈ సీజన్‌లో ఫ్లాప్ అయ్యాడు. ఐపీఎల్ 2023 మ్యాచ్‌లలో బ్రూక్ కేవలం ఓ సెంచరీ మాత్రమే చేశాడు.

కామెరాన్ గ్రీన్:

ఆస్ట్రేలియా స్టార్ ఆల్ రౌండర్ కామెరాన్ గ్రీన్‌ను ముంబై ఇండియన్స్ రూ. 17.50 కోట్లతో IPL 2023 కోసం వారి జట్టులో చేర్చుకుంది. అయితే అతను ఈ సీజన్‌లో ఆకట్టుకోలేకపోయాడు.

రిలే రస్సో:

ఐపీఎల్ 2023లో ఇప్పటివరకు దక్షిణాఫ్రికా బ్యాట్స్‌మెన్ రిలే రస్సో ఫ్లాప్ అయ్యాడు. మినీ వేలంలో రిలే రస్సోను ఢిల్లీ క్యాపిటల్స్ రూ.4.60 కోట్లకు కొనుగోలు చేసింది. ఈ సీజన్‌లో అతను మొత్తం మ్యాచ్‌లు ఆడాడు. ప్రతి సంవత్సరం మాదిరిగానే, IPL 2023 సీజన్‌లో కూడా చాలా మంది యువ ఆటగాళ్లు మెరిశారు. యశస్వి జైస్వాల్, రింకూ సింగ్ అద్భుతంగా ఆకట్టుకున్నారు. అలాగే, ఈ సీజన్‌లో కొంతమంది ఆటగాళ్లను ఫ్రాంచైజీలు మినీ-వేలంలో కోట్ల రూపాయలను వెచ్చించాయి. కానీ వారు పేలవమైన ప్రదర్శనతో జట్టును నిరాశపరిచారు.