ద్వాదశ ఆదిత్య మహాగణపతిగా ఖైరతాబాద్ వినాయకుడు..

తెలుగు రాష్ట్రాల్లో వినాయక చవితి వచ్చిందంటే ముందు గుర్తు వచ్చేది హైదరాబాద్ లో జరిగే ఉత్సవాలే. తరువాత వెంటనే మెరిసేది ఖైరతాబాద్ వినాయకుడు. మహాకారంతో రికార్డు స్థాయిలో భక్తులిన్ ఆకర్షించే ఈ వినాయకుడు దాదాపు ఆరు దశాబ్దాలుగా ప్రపంచ వ్యాప్తంగా తన ప్రత్యేకతను చాటుకుంటున్నాడు. ఆకాశమంత ఎత్తున.. మహోన్నత రూపంతో భక్తులను ఆశీర్వదిస్తూ.. నిలుచునే ఈ వినాయకుడు ప్రతీ ఏటా తన విశిష్టను నిలబెట్టుకుంటూనే ఉన్నాడు. సంవత్సరానికొక రూపులో దర్శనమిచ్చే ఖైరతాబాద్ గణనాధుడు.. ఈసారి కూడా తన ప్రత్యేకతను ప్రదర్శించానున్నాడు. ఈ ఏడాదిఖైరతాబాద్ వినాయకుని విశేషాలు సంక్షిప్తంగా మీకోసం..

ప్రతి ఏడాది వివిధ రూపాల్లో దర్శనమిస్తూ అందరిని ఆకర్షించే ఈ గణనాధుడు మరో ఘనతను ఈసారి సాధించాడు ... దేశంలోనే అత్యంత ఎత్తైన విగ్రహంగా ఖైరతాబాద్ వినాయకుడికి గుర్తింపు లభించింది . ఈ సారి ఖైరతాబాద్ గణేశుడు మొత్తం 61 అడుగుల ఎత్తుతో 12 తలలు, ఏడు అశ్వాలు, 12 సర్పాలతో ద్వాదశ ఆదిత్య మహాగణపతిగా దర్శనం ఇవ్వనున్నాడు ... ఇక్కడ మరో విశేషం ఏంటంటే అ 12 తలలు కూడా ఒక్కో రకమైన రంగుతో గ‌ణ‌నాథుడు రూపుదిద్దుకున్నాడు. ఇలా దర్శనం ఇస్తున్న గణనాధుడుని దర్శనం చేసుకుంటే అన్ని బాగుంటాయని పూజారులు చెబుతున్నారు ... ఈ సారి ఖైరతాబాద్ వినాయకునికి మహాప్రసాద లడ్డును సుమారుగా 6000 కిలోల బరువుతో తయారు చేస్తున్నారు.

వినాయక నవరాత్రి ఉత్సవాల అప్ డేట్స్ ఎప్పటికప్పుడు లైవ్ లో.. మీకోసం!