Post Office: ప్రపంచంలోనే నీటిపై తేలియాడే పోస్టాఫీస్ ఇదే.. 70 ఏళ్లుగా సేవలందిస్తోన్న హౌస్‌బోట్.. ఎక్కడో తెలుసా?

Floating Post Office In World: ప్రపంచంలోని అనేక అద్భుతాల గురించి విని ఉంటారు. కానీ, తేలియాడే పోస్టాఫీసు ఉంటుందని మీరు ఎప్పుడైనా అనుకున్నారా? అవును, విశేషమేమిటంటే, ఇది నేటికీ పని చేస్తుంది. చెక్క పడవలో నిర్మించిన ఈ పోస్టాఫీస్.. స్థానిక ప్రజలకు నీటి ద్వారా మెయిల్ సేవలను అందిస్తుంది. ఈ కథనంలో ఫ్లోటింగ్ పోస్టాఫీస్ గురించిన వివరాలను తెలుసుకుందాం.

ఈ తేలియాడే పోస్టాఫీసును చూడటానికి ఏ దేశం వెళ్లవలసిన అవసరం లేదు. ఎందుకంటే ఇది కాశ్మీర్‌లోని శ్రీనగర్‌లోని అందమైన మంచుతో కప్పబడిన పర్వతాల మధ్య దాల్ సరస్సులో ఉంది.

ఇది దేశంలోనే కాదు ప్రపంచంలోనే తేలియాడే పోస్టాఫీసుగా నిలిచింది. ఇది తపాలా సేవలను అందించడమే కాకుండా అద్భుతమైన దృశ్యంగా కనిపిస్తుంది.

ఈ పోస్టాఫీసు చెక్కతో చేసిన సాంప్రదాయ హౌస్‌బోట్‌పై నిర్మించారు. ఇది శ్రీనగర్ సరస్సులలో కనిపించే సాధారణ షికారా పడవను పోలి ఉంటుంది. ఇది స్థానిక ప్రజలకు పోస్టల్ సేవలను అందించడానికి 1953 సంవత్సరంలో ప్రారంభించారు. తరువాత 1970లో అధికారికంగా ప్రారంభించారు.

ఇక్కడికి వచ్చే పర్యాటకులు తమ ప్రియమైన వారికి ప్రత్యేకమైన "ఫ్లోటింగ్ పోస్ట్ ఆఫీస్, దాల్ లేక్" స్టాంప్డ్ పోస్ట్‌కార్డ్‌లను పంపడానికి ఇష్టపడుతుంటారు. అంతేకాదు పోస్టాఫీసు లోపలికి వెళ్లి జాగ్రత్తగా చూసి, దాని చరిత్ర గురించి తెలుసుకోవడం కూడా పర్యాటకులను ఆనందాన్ని కలిగిస్తుంది. ఈ విధంగా ఈ పోస్టాఫీసు దాల్ సరస్సు పర్యాటకాన్ని కూడా ప్రోత్సహిస్తుంది.