Viral Video: ఇలా చేస్తే చెప్పులు ఎందుకు పోతాయి చెప్పండి.. అన్న ఐడియా అదుర్స్‌ అసలు

Viral Video: దేవాలయాల బయట చెప్పులను వదిలి గుళ్లోకి వెళ్తుంటాం. అయితే గుడిలోకి వెళ్లి వచ్చేదాక ధ్యాస అంతే చెప్పుల పైనే ఉంటుంది. చెప్పుల స్టాండ్‌లో పెట్టి వెళ్తే ఎలాంటి టెన్షన్‌ ఉండదు కానీ బయట వదిలి వెళ్తే మాత్రం ఆలోచన ఉంటుంది. అందుకే ఓ అన్న వెరైటీ ఆలోచన చేశాడు. చెప్పులను భద్రంగా దాచుకునేందుకు ఆయన చేసిన పని ప్రస్తుతం నెట్టింట తెగ వైరల్‌ అవుతోంది. ఇంతకీ ఆయన చేసిన పనెంటో తెలియాలంటే ఈ స్టోరీలోకి వెళ్లాల్సిందే.

ఓ వ్యక్తి గుడి ముందు చెప్పులను వదిలి వెళ్లాడు. అయితే గుడిలోకి వెళ్లి వచ్చే వరకు చెప్పులకు ఏం కాకుడాదని ఓ సూపర్‌ ప్లాన్‌ చేశాడు. రెండు చెప్పులను ఒకే చోట పెట్టి వాటికి తాళం వేశాడు. దీనిని ఓ వ్యక్తి వీడియో తీసి సోషల్‌ మీడియాలో పోస్ట్ చేశారు. దీంతో ప్రస్తుతం ఈ వీడియో సోషల్‌ మీడియాలో తెగ వైరల్‌ అవుతోంది. ఈ వీడియో చూసిన నెటిజన్లు రకరకాలుగా స్పందిస్తున్నారు.

ఆ చెప్పులు ఎవరైనా ఎత్తుకెళ్లాలంటే తాళం తీస్తే తప్ప వేసుకోడానికి రావు..అలా దొంగలకి షాకిచ్చాడు ఆ వ్యక్తి. ఇప్పుడు ఈ వీడియో సోషల్‌ మీడియాలో తెగ వైరల్‌ అవుతోంది. వీడియో చూసిన నెటిజన్లు తమదైన శైలిలో కామెంట్లు చేస్తున్నారు. చెప్పులు ఎత్తుకెళ్తే తాళం ఫ్రీ అన్నట్టు బంపరాఫర్‌ ఇచ్చాడుగా అని కొందరు.. ఆ చెప్పులకంటే తాళం ధర ఎక్కువ ఉండొచ్చని మరికొందరు ఫన్నీ కామెంట్స్‌ చేస్తున్నారు. మొత్తం మీద ఇప్పుడీ వీడియో సోషల్‌ మీడియాలో వైరల్ అవుతోంది.