Indian Railways: వామ్మో ఇదేం రైల్వే స్టేషన్ సామీ.. ప్లాట్‌ఫాంల సంఖ్య తెలిస్తే షాక్ అవ్వాల్సిందే.. మన దేశంలోనే..!

Highest Platform On Railway Station: సుదూర ప్రయాణానికి వెళుతున్నట్లయితే, రైళ్లు చాలా పొదుపుగా, సురక్షితంగా, సౌకర్యవంతమైన ప్రయాణానికి అనుకూలంగా పేరుగాంచాయి. బస్సు లేదా వ్యక్తిగత వాహనంతో పోలిస్తే రైలు టిక్కెట్లు చౌకగా ఉంటాయి. రైలులో హాయిగా నిద్రపోతూ జర్నీ చేసే అవకాశం కూడా ఉంటుంది. ప్రపంచంలోనే అతిపెద్ద రైలు నెట్‌వర్క్ ఉన్న దేశాల జాబితాలో భారతదేశం కూడా ఒకటి. అయితే, మనదేశంలో ఓ రైల్వే స్టేషన్ కూడా చాలా పెద్దదిగా పేరుగాంచిన సంగతి మీకు తెలుసా. అక్కడ రైళ్ల క్యూలు చూస్తే.. కచ్చితంగా అవాక్కవుతారు.

హౌరా రైల్వే స్టేషన్, పశ్చిమ బెంగాల్..

భారతదేశంలోని పురాతన రైల్వే స్టేషన్లలో ఒకటి పశ్చిమ బెంగాల్ రాజధాని కోల్‌కతాలోని హౌరా రైల్వే స్టేషన్. ఈ రైల్వే స్టేషన్ ప్రత్యేకత ఏమిటంటే ఇది ఎక్కువ సంఖ్యలో ప్లాట్‌ఫారమ్‌లను కలిగి ఉంది. హౌరా రైల్వే స్టేషన్‌లో మొత్తం 23 ప్లాట్‌ఫారమ్‌లు ఉన్నాయి. ఈ ప్లాట్‌ఫారమ్‌లపై రైళ్లను నిలబెట్టినట్లయితే, వాటిని లెక్కించేటప్పుడు మీరు ఖచ్చితంగా కలత చెందుతారనడంలో ఎలాంటి సందేహం లేదు. కానీ, కౌంటింగ్ మాత్రం పూర్తి చేయలేనన్ని రైళ్లు ఉంటాయన్నమాట. మీడియా నివేదికల ప్రకారం, హౌరా రైల్వే స్టేషన్‌కు ప్రతిరోజూ కనీసం 300 రైళ్లు వస్తూ పోతూ ఉంటాయి.

అత్యంత రద్దీగా ఉండే రైల్వే స్టేషన్..

కోల్‌కతాలోని హౌరా రైల్వే స్టేషన్ కూడా చాలా రద్దీగా ఉండే స్టేషన్‌లలో ప్రథమస్థానంలో ఉంటుంది. ఈ స్టేషన్‌లో 26 ట్రాక్‌లతో రైల్వే లైన్ కూడా వేశారని తెలిస్తే మీరు ఆశ్చర్యపోతారు. ఇది కాకుండా, బెంగాల్‌లోని సీల్దా రైల్వే స్టేషన్‌లో మొత్తం 20 ప్లాట్‌ఫారమ్‌లు ఉన్నాయి. ఇది రాష్ట్రంలోని ప్రధాన రైల్వే స్టేషన్ కూడా. ఈ రెండు స్టేషన్ల నుంచి రోజూ వేల సంఖ్యలో ప్రజలు రాకపోకలు సాగిస్తుంటారు. సీల్దా తర్వాత, ముంబైలోని ఛత్రపతి శివాజీ టెర్మినస్ 18 ప్లాట్‌ఫారమ్‌లతో కూడిన రైల్వే స్టేషన్. అదే సమయంలో, రాజధాని ఢిల్లీలోని న్యూఢిల్లీ రైల్వే స్టేషన్‌లో మొత్తం 16 ప్లాట్‌ఫారమ్‌లు ఉన్నాయి. ఇక తెలంగాణలోని అత్యతం రద్దీగా ఉండే సికింద్రాబ్ రైల్వే స్టేషన్‌లో మొత్తం 10 స్టేషన్లు ఉన్నాయి.