Indian Railways: దేశంలో వింతైన రైల్వే స్టేషన్.. ప్లాట్‌ఫారమ్ మారాలంటే 2 కిమీలు వెళ్లాల్సిందే.. ఎక్కడో తెలుసా?

Indian Railways: నేటికీ భారతదేశంలో, ఎవరైనా ఎక్కడికైనా వెళ్లవలసి వస్తే ముందుగా గుర్తుకు వచ్చేది భారతీయ రైల్వేలు మాత్రమే. భారతదేశంలో రైలు నెట్‌వర్క్ ఆసియాలో అతిపెద్దది. ప్రపంచంలో నాల్గవది. ఇదిలా ఉంటే భారతీయ రైల్వేలో ఓ ప్రత్యేకమైన స్టేషన్ గురించి ఇప్పుడు తెలుసుకుందాం. ప్లాట్‌ఫారమ్ నంబర్ 1 నుంచి 2కి చేరుకోవడానికి దాదాపు 2 కిలోమీటర్లు ప్రయాణించాల్సిన రైల్వే స్టేషన్ దేశంలో ఉందని మీకు తెలుసా? అలాంటి రైల్వే స్టేషన్ గురించి ఇప్పుడు తెలుసుకుందాం.

దేశంలోని ఈ ప్రత్యేకమైన రైల్వే స్టేషన్‌ను గంగా నది ఒడ్డున ఉన్న బీహార్‌లోని బెగుసరాయ్‌లో ఉన్న బరౌని గ్రామంలో నిర్మించారు. ఈ రైల్వే స్టేషన్ బరౌని జంక్షన్. ఇది 1883లో పూర్తయింది. ప్రత్యేకమైన రైల్వే స్టేషన్‌తో పాటు, బరౌని పారిశ్రామిక పట్టణంగా కూడా ముఖ్యమైనదిగా పేరుగాంచింది.

బరౌని జంక్షన్ ప్రత్యకత..

బరౌని జంక్షన్ ప్రత్యేకత ఏంటంటే.. ఇక్కడ ప్లాట్‌ఫారమ్ నంబర్ 1, 2 మధ్య దూరం దాదాపు 2 కిలోమీటర్లు. అవును, నిజమే. ఈ స్టేషన్‌లో ప్లాట్‌ఫారమ్‌ మారాలంటే ప్రయాణికులు దాదాపు 2 కిలోమీటర్లు నడవాల్సి ఉంటుంది. ఈ ప్రత్యేక పరిస్థితికి అసలు కారణం చాలా ఆసక్తికరంగా ఉంటుంది. బరౌని జంక్షన్ విస్తరించిన సమయంలో, పెరుగుతున్న ప్రయాణికుల సంఖ్యను దృష్టిలో ఉంచుకుని, కొత్త ప్లాట్‌ఫారమ్‌ను నిర్మించాల్సిన అవసరం ఏర్పడింది. కానీ, స్థలాభావం కారణంగా పాత ప్లాట్‌ఫారమ్‌కు 2 కిలోమీటర్ల దూరంలో కొత్త ప్లాట్‌ఫారమ్‌ను నిర్మించారు.

ప్రయాణీకులకు ఇబ్బందులు..

ఈ ఎక్కువ దూరం కారణంగా, ప్రయాణీకులు చాలా ఇబ్బందులు ఎదుర్కొంటున్నారు. ముఖ్యంగా ఒక ప్లాట్‌ఫారమ్ నుంచి మరొక ప్లాట్‌ఫారమ్‌కు మారే సమయంలో ప్రయాణికులు చాలా ఇబ్బందులు ఎదుర్కొంటున్నారు. బరువైన లగేజీలు మోసుకుంటూ అంత దూరం ప్రయాణించాల్సి వస్తోంది. చాలా సార్లు రిక్షా లేదా ఆటో సహాయం తీసుకోవాల్సి వస్తుంది.

రైల్వే యంత్రాంగం ఏం చెబుతోంది?

ఈ సమస్య పరిష్కారానికి అనేక ప్రయత్నాలు చేస్తున్నామని రైల్వే యంత్రాంగం చెబుతోంది. రెండు ప్లాట్‌ఫారమ్‌లను కలుపుతూ కొత్త ఫుట్ ఓవర్ బ్రిడ్జిని నిర్మించాలని ప్లాన్ చేస్తున్నారు. దీంతోపాటు ప్రయాణికుల సౌకర్యార్థం మరిన్ని రిక్షాలు, ఆటోల ఏర్పాటు కూడా చేస్తున్నారు.

ఇదే బరౌని స్పెషల్..

ప్రయాణీకులకు ఇబ్బంది కలిగించినప్పటికీ, ఇది రైల్వే ప్రయాణాన్ని ఒక ప్రత్యేకమైన అనుభూతిని కూడా చేస్తుంది. భారతదేశంలో అనేక రైల్వే స్టేషన్లు వాటి ప్రత్యేక లక్షణాలకు ప్రసిద్ధి చెందాయి. వాటిలో బరౌని జంక్షన్ కూడా ఒకటి.