Car Tips: కారు వేగంగా వెళ్లే సమయంలో బ్రేకులు ఫెయిలైతే.. ఈ 5 చిట్కాలతో ప్రమాదం నుంచి బయటపడొచ్చు..!

Car Brake Fail: మీ కారు బ్రేకులు ఫెయిల్ అయితే ఏమి జరుగుతుందో మీరు ఎప్పుడైనా ఆలోచించారా? మీరు అతి వేగంతో డ్రైవింగ్ చేస్తున్నప్పుడు కారు బ్రేకులు ఫెయిలయ్యాయని అకస్మాత్తుగా మీకు తెలిస్తే.. చాలా పెద్ద ప్రమాదంలో చిక్కుకుంటాం. ఇటువంటి పరిస్థితిలో, మీరు భయాందోళనలకు గురవుతారు. అయితే, ఇలాంటి సమయంలోనే మీరు భయాందోళనల కంటే ఎక్కువ విశ్వాసాన్ని ప్రదర్శించాల్సి ఉంటుంది. ఈ 5 చిట్కాలను గుర్తుంచుకుంటే చాలు.. ఈజీగా ప్రమాదం నుంచి బయటపడొచ్చు.

వార్నింగ్ లైట్స్..

రోడ్డుపై మీ చుట్టూ ఉన్న ఇతర డ్రైవర్లను అప్రమత్తం చేయడానికి, వార్నింగ్ లైట్లను ఆన్ చేసి, హారన్ కొడుతూ ఉండాలి. మీరు కారుతో కొంత సమస్యను ఎదుర్కొంటున్నారని ఇది ఇతర వ్యక్తులను హెచ్చరిస్తుంది. ఇది చుట్టుపక్కల ట్రాఫిక్‌ను క్లియర్ చేయడంలో కూడా సహాయపడుతుంది.

బ్రేక్ పెడల్‌ను పంప్ చేస్తూ ఉండండి

ఆధునిక కార్లు ముందు, వెనుక బ్రేక్‌లను స్వతంత్రంగా నియంత్రించడానికి డ్యూయల్ బ్రేకింగ్ సిస్టమ్‌లతో వచ్చాయి. మీరు బ్రేక్ పెడల్‌ను నిరంతరం పంప్ చేస్తే, అది బ్రేక్ ప్రెజర్‌ని పెంచి సగం బ్రేకింగ్‌కు దారితీసే అవకాశం ఉంది. అయితే, రెండు బ్రేకింగ్ సిస్టమ్‌లు విఫలమైతే, ఈ పద్ధతి పనిచేయదని గుర్తుంచుకోవాలి.

నెమ్మదిగా డౌన్‌షిఫ్ట్ చేయాలి..

బ్రేకులు పూర్తిగా విఫలమైతే, కారు వేగాన్ని తగ్గించడానికి ఇంజిన్ బ్రేకింగ్‌ను ఉపయోగించాలి. యాక్సిలరేటర్‌ని విడుదల చేసి, ఒక్కొక్కటిగా తక్కువ గేర్‌లకు మార్చుతూ ఉండాలి. ఆటోమేటిక్ కార్లలో, ప్యాడిల్ షిఫ్టర్‌తో దీన్ని చేయాల్సి ఉంటుంది.

హ్యాండ్‌బ్రేక్‌ని ఉపయోగించడం..

మీరు నెమ్మదిగా కారును మొదటి లేదా రెండవ గేర్‌లోకి తీసుకువచ్చినప్పుడు, వేగం గంటకు 40 కి.మీ వరకు వస్తుంటుంది. అప్పుడు మీరు హ్యాండ్‌బ్రేక్‌ని ఉపయోగించవచ్చు. అయితే, ఈ సమయంలో వెనుక నుంచి వాహనం రావడం లేదని గమనించాలి. అలాగే మీ కారు వేగం చాలా వేగంగా ఉండకూడదని గుర్తుంచుకోవాలి.

ఇతర చర్యలు..

చుట్టూ ఇసుక లేదా బురద ఉంటే, కారును అదుపులో ఉంచి ఇసుక లేదా మట్టిపైకి పోనివ్వాలి. ఇది కారు వేగాన్ని గణనీయంగా తగ్గిస్తుంది. ఆ సమయంలో కారు ఆగిపోతుంది.