Viral Video: పట్టాల మీద పడిపోయిన కూతురి కోసం తండ్రి సాహసం.. ఓళ్లు గగుర్పొడిచే వీడియో..!

Viral Video: రైల్వే స్టేషన్లలో రన్నింగ్ ట్రైన్ ఎక్కడం లేదా దిగి వెళ్లడం చాలా మంది తప్పుడు అలవాట్లలో ఒకటి. రైల్వే అధికారులు ఎన్ని సార్లు హెచ్చరించినా, చాలా మంది ప్రయాణికులు అలాంటి ప్రమాదకర చర్యలకు పాల్పడుతూనే ఉంటున్నారు. ఇలా మనక్షణములో తప్పిన ఓ ప్రమాద ఘటన ఇప్పుడు వైరల్ అవుతోంది.

ఒక యువతి స్టేషన్‌లోని ఒక ప్లాట్‌ఫామ్ నుంచి మరొక ప్లాట్‌ఫామ్ మీదికి వెళ్లేందుకు ట్రైన్ పట్టాలు దాటేందుకు ప్రయత్నించింది. ఆ సమయంలో అటువైపు వేగంగా ట్రైన్ వస్తోంది. ట్రైన్ అతి దగ్గరకు వచ్చేసరికి షాక్‌కు గురైన ఆ యువతి పట్టాలు, ప్లాట్‌ఫామ్ మధ్యలో కదలకుండా నిలబడిపోయింది.

ఈ పరిస్థితిని గమనించిన ఆమె తండ్రి ఒక్క సెకను కూడా ఆలోచించకుండా వెంటనే పట్టాల మీదకు దూకి, తన కూతురిని గట్టిగా పక్కకు తీయడంతో ఇద్దరూ క్షేమంగా బయటపడ్డారు. ట్రైన్ కూడా వాళ్లను తాకకుండా దూసుకుపోయింది.

ఈ దృశ్యాన్ని అక్కడ ఉన్నవారు వీడియో తీసారు. ప్రస్తుతం ఆ వీడియో సోషల్ మీడియాలో తెగ వైరలవుతోంది. తండ్రి చూపిన ప్రేమ, సాహసాన్ని చూసి నెటిజన్లు భావోద్వేగానికి లోనవుతున్నారు. అయితే మరోవైపు — రన్నింగ్ ట్రైన్ సమీపంలో ఇలా ప్రాణాలతో చెలగాటం అవసరమా అంటూ పలువురు మండిపడుతున్నారు.

రైల్వే అధికారులు కూడా ప్రయాణికులకు మరోసారి హెచ్చరిక చేశారు. రన్నింగ్ ట్రైన్ ఎక్కడం, దిగడం, పట్టాలు దాటడం ఎంత ప్రమాదకరమో గుర్తుంచుకోవాలని, అలాంటి చర్యలకు పాల్పడవద్దని కోరారు.