Indian Railway Rules: ట్రైన్‌లో మిడిల్ బెర్త్ వచ్చిందా.. ఈ నియమం తెలుసుకోకుంటే.. జరిమానా తప్పదు..!

Indian Railway Rules: ప్రతిరోజూ లక్షల మంది రైలులో ప్రయాణిస్తుంటారు. అందుకే భారతీయ రైల్వేని దేశానికి లైఫ్ లైన్ అని కూడా అంటుంటారు. రైలులో ప్రయాణించే ముందు రిజర్వేషన్లు చేసుకుంటారు. అంటే ప్రయాణానికి ముందు టికెట్ తీసుకుంటారు. అదే సమయంలో, టిక్కెట్లను బుక్ చేసుకునే సమయంలో ఏ సీటులో కూర్చోవాలనుకుంటున్నారు అనే ఆప్షన్ కూడా ఇచ్చే అవకాశం ఉంది. ఇటువంటి పరిస్థితిలో, చాలా మంది ప్రజలు లోయర్ బెర్త్ లేదా అప్పర్ బెర్త్ తీసుకోవడానికి ఇష్టపడతారు. మిడిల్ బెర్త్ తీసుకోవడానికి జనాలు పెద్దగా ఆసక్తి చూపడం లేదు. ఇప్పుడు దీని వెనుక రైల్వే నియమం ఉంది. దీని కారణంగా ప్రజలు ఈ సీటు తీసుకోవడానికి అస్సలు ఇష్టపడరు.

మిడిల్ బెర్త్ బుక్ చేసుకోవడానికి ఎందుకు ఇష్టపడరంటే..

రైలులో లోయర్ బెర్త్, మిడిల్ బెర్త్, పై బెర్త్, సైడ్ అప్పర్ బెర్త్, సైడ్ లోయర్ బెర్త్ ఉంటాయి. సాధారణ సమయంలో అయితే, మిడిల్ బెర్త్‌లో పడుకోలేరు లేదా కూర్చోలేరు. ఎందుకంటే భారతీయ రైల్వే నిబంధనల ప్రకారం, మిడిల్ బెర్త్ ప్రయాణీకుడు తన బెర్త్‌పై రాత్రి 10:00 గంటలకు ముందు, ఉదయం 6:00 గంటల తర్వాత నిద్రించకూడదు. అతను రాత్రి 10:00 గంటల తర్వాత, ఉదయం 6:00 గంటల వరకు మాత్రమే తన సీటుపై పడుకోవడానికి అనుమతి ఉంటుంది. ఇలాంటి పరిస్థితుల్లో ప్రయాణికుడు పగటిపూట అలసిపోయి నిద్రపోవాలనుకున్నా రాత్రి 10 గంటల వరకు రైలులో కూర్చునే ఉండాలి. మరోవైపు, రైల్వే ఈ నియమాన్ని పాటించకపోతే వారిపై రైల్వే శాఖ చర్యలు తీసుకోవచ్చు.

TTE ఆ సమయంలో ప్రయాణీకులకు ఇబ్బంది కలిగించలేరు..

టిక్కెట్ తనిఖీ నియమం గురించి మాట్లాడితే, TTE (ట్రావెల్ టికెట్ ఎగ్జామినర్) పగటిపూట మాత్రమే మీ టిక్కెట్‌ను తనిఖీ చేయగలడు. టికెట్ చెకింగ్ పేరుతో రాత్రి 10:00 గంటల తర్వాత ఆయన మిమ్మల్ని డిస్టర్బ్ చేయలేడు. ఒక TTE మీ టిక్కెట్‌ను ఉదయం 6:00 నుంచి రాత్రి 10:00 గంటల మధ్య మాత్రమే తనిఖీ చేయగలరు. మరోవైపు, టీటీఈ ఈ నిబంధనను పాటించకపోతే, అతనిపై కూడా కఠిన చర్యలు తీసుకోవచ్చు. అయితే ఇది పగటిపూట ప్రయాణం చేసే రూళ్లకు మాత్రమే వర్తిస్తుంది. రాత్రి పూట బయలుదేరే రైళ్లకు మాత్రం ఈ నియమం వర్తించదు.