నేడు రేపు వ్యాక్సిన్ నిలుపుదల

ఢిల్లీ: ఈ నెల 27, 28 తేదీల్లో కోవిడ్‌-19 వ్యాక్సినేషన్‌ కార్యక్రమం నిలిపివేస్తున్నట్లు కేంద్ర ఆరోగ్య మంత్రిత్వ శాఖ శుక్రవారం ప్రకటించింది. వ్యాక్సినేషన్‌ ఐటి వ్యవస్థను కో-విన్‌ 1.0 నుంచి కో-విన్‌ 2.0కు మారుస్తున్న కారణంగా శని, ఆదివారాల్లో వ్యాక్సినేషన్‌ ఉండదని ప్రకటనలో తెలిపింది. మరోవైపు టీకా కార్యక్రమం నిరాటంకంగా కొనసాగుతోందని తెలిపింది. గరువారం నాటికి 1,34,72,643 మందికి టీకా వేసినట్లు ప్రకటించింది. గురువారం ఒక్కరోజే 8,01,480 మంది టీకా వేయించుకున్నారని తెలిపింది.