Two terrorists killed in Jammu & Kashmir: కాశ్మీర్ లో మరో ఇద్దరు ఉగ్రవాదుల ఏరివేత

Two terrorists killed in Jammu & Kashmir: కాశ్మీర్ కుప్వారా జిల్లాలోని నౌగం సెక్టార్లో భద్రతా దళాలు మరో ఇద్దరు ఉగ్రవాదులను హతమార్చాయి. ఉగ్రవాదులు నియంత్రణ రేఖలోకి చొరబడటానికి ప్రయత్నించినట్టు సమాచారం. జవాన్లు మరణించేసిన ఉగ్రవాదుల నుంచి రెండు ఎకె -47 లు ,భారీ మొత్తంలో మందుగుండు సామగ్రిని స్వాధీనం చేసుకున్నారు. శనివారం తెల్లవారుజామున నౌగాం సెక్టార్‌లో అనుమానాస్పద కదలికను జవాన్లు పసిగట్టారని ఆర్మీ ప్రతినిధి తెలిపారు. ఆ తరువాత వారిని హతమార్చినట్టు తెలిపారు.

కాగా ఈ నెలలో ఇప్పటివరకు 6 మంది ఉగ్రవాదులను భద్రతా దళాలు హతమార్చాయి. అంతకుముందు పుల్వామా జిల్లాలోని గోసు ప్రాంతంలో ఒక ఉగ్రవాదిని భద్రతా దళాలు చంపాయి. అదే సమయంలో, ఒక యువకుడు కూడా అమరవీరుడు అయ్యారు. కుల్గాంలోని అర్రా ప్రాంతంలో జూలై 4 న ఇద్దరు హిజ్బుల్ ముజాహిదీన్ ఉగ్రవాదులు హతమయ్యారు. జూలై 2 న శ్రీనగర్‌లోని మాల్‌బాగ్‌లో 1 ఐఎస్ ఉగ్రవాదిని భద్రతా దళాలు హతమార్చాయి.

జమ్మూ కాశ్మీర్‌లో పాకిస్తాన్ నుంచి ఉగ్రవాదుల చొరబాటుపై అప్రమత్తమైన తరువాత భద్రతా దళాలు మే నుంచి శోధిస్తున్నాయి. గత నెలలో 18 ఎన్‌కౌంటర్లలో 51 మంది ఉగ్రవాదులు మరణించారు. శ్రీనగర్‌లో ఉగ్రవాదుల ఏరివేత కొనసాగుతోందని కాశ్మీర్ ఐజిపి విజయ్ కుమార్ ఇటీవల చెప్పారు