Terror Attack: జమ్ముకశ్మీర్‌ శ్రీనగర్‌లో ఉగ్రదాడి

Srinagar: జమ్ముకశ్మీర్‌లో ఉగ్రవాదులు రెచ్చిపోయారు. గత కొంతకాలంగా భారత ఆర్మీ ఉగ్రవాదులకు వ్యతిరేకంగా భారీ ఆపరేషన్ చేస్తోంది. ఇవాళ కూడా ఉగ్రవాదుల ఏరివేత కొనసాగిస్తుండగా టెర్రరిస్టులు ఎదురుపడ్డారు. దీంతో వెంటనే అలర్ట్ అయిన సైన్యం కాల్పులు జరిపింది. శ్రీనగర్‌లోని బెమీనాలోని స్కిమ్స్ మెడికల్ కాలేజీ దగ్గర ఘటన జరగడంతో ఉగ్రమూకలు ఆస్పత్రిలోకి వెళ్లి నక్కినట్లు అధికారులు తెలిపారు.

కాసేపటికే ఇండియన్ ఆర్మీ ఆస్పత్రిని చుట్టుముట్టింది. ఈ క్రమంలో ఆస్పత్రి సిబ్బందిని అడ్డుపెట్టుకుని ఉగ్రవాదులు తప్పించుకున్నారు. తప్పించుకున్న ఉగ్రవాదుల కోసం భారత సైన్యం ముమ్మరంగా గాలిస్తోంది.