IT Notice To Sharad Pawar: శరద్ పవార్ కు తొలి షాక్.. ప్రేమ లేఖ అందిందంటూ..

IT Notice To Sharad Pawar: మహారాష్ట్రలో ఎన్సీపీ,శివసేన,కాంగ్రెస్ నేతృత్వంలోని మహా వికాస్ అఘాడి సంకీర్ణ ప్రభుత్వం కూలిపోయిన వెంటనే ఎన్సీపీ అధినేత శరద్ పవార్ కు తొలి షాక్ తగిలింది. నిన్న రాత్రి ఆయనకు ఐటీ శాఖ నుంచి నోటీసులు అందాయి. ఈ విషయాన్ని శరద్ పవార్ ట్విట్టర్ ద్వారా స్వయంగా వెల్లడించారు.

ఈ నోటీసులను ప్రేమ లేఖగా పేర్కొంటూ కేంద్రం పైన విమర్శలు చేశారు పవార్. పవార్ తన ట్వీట్ లో..."నాకో ప్రేమ లేఖ అందింది. 2004, 2009, 2014, 2020 ఎన్నికల సమయంలో నేను సమర్పించిన అఫిడవిట్లకు సంబంధించి ఆదాయపు పన్ను విభాగం నుంచి ఈ ప్రేమ లేఖ వచ్చింది"అని పేర్కొన్నారు పవార్. అయితే ఈ నోటీసుుల గురించి తాను ఆందోళన చేందడం లేదని, దీనికి సంబంధించిన పూర్తి సమాచారం తన వద్ద ఉన్నట్టుగా పవార్ తెలిపారు.