ఇకనుంచి మన సైన్యం సరిహద్దుకు సులభంగా చేరుకోవచ్చు.. కారణం ఇదే..

దేశంలోని 7 రాష్ట్రాల సరిహద్దు ప్రాంతాల్లో 43 వంతెనలను రక్షణ మంత్రి రాజ్‌నాథ్ సింగ్ గురువారం ప్రారంభించనున్నారు. ఈ వంతెనలను లడఖ్, అరుణాచల్ ప్రదేశ్, సిక్కిం, హిమాచల్ ప్రదేశ్, ఉత్తరాఖండ్, పంజాబ్ మరియు జమ్మూ కాశ్మీర్లలో నిర్మించారు. సైన్యం యొక్క సరిహద్దు రహదారి సంస్థ ఈ వంతెనలను వ్యూహాత్మకంగా ముఖ్యమైన ప్రదేశాలలో నిర్మించింది.

ఈ వంతెనల సహాయంతో, ఆర్మీ సాయుధ దళాలు త్వరలో సరిహద్దులోని ఫార్వర్డ్ స్థానానికి చేరుకోవచ్చని రక్షణ మంత్రిత్వ శాఖ అధికారులు బుధవారం తెలిపారు. అన్ని వంతెనలను ఆన్‌లైన్‌లో ప్రారంభిస్తారు. లడఖ్‌లో భారత, చైనా బలగాలు ముఖాముఖిగా ఉన్న సమయంలో వంతెనల ప్రారంభం జరుగుతుంది. ప్రత్యేకత ఏమిటంటే అందులో 7 వంతెనలను లడఖ్‌లో నిర్మించారు. ఇక జమ్మూ కాశ్మీర్‌లో 10, హిమాచల్‌లో రెండు, ఉత్తరాఖండ్, అరుణాచల్‌లో ఎనిమిది, సిక్కిం, పంజాబ్‌లో నాలుగు వంతెనలు నిర్మించారు.

అరుణాచల్ ప్రదేశ్ లోని నెచిఫు ప్రాంతం వద్ద సొరంగం నిర్మాణం కోసం రాజ్ నాథ్ పునాది వేస్తారని రక్షణ మంత్రిత్వ శాఖ అధికారులు తెలిపారు. ఈ సొరంగం తవాంగ్‌లోని ప్రధాన రహదారిపై నిర్మిస్తారు. హిమాచల్ ప్రదేశ్‌లోని దర్చాను లడఖ్‌తో అనుసంధానించడానికి మరో రహదారిని కూడా నిర్మిస్తున్నారు. ఈ రహదారి అనేక ఎత్తైన శిఖరాల గుండా వెళుతుంది. ఇది సుమారు 290 కి.మీ. పొడవుగా ఉంటుంది. ఇది సిద్ధమైతే సైన్యం కార్గిల్‌కు సులభంగా చేరుకోవచ్చు.