Lottery: కానిస్టేబుల్‌ జాక్‌పాట్‌.. ఆరు రూపాయ‌ల‌తో కోటీశ్వ‌రుడయ్యాడు!!

Lottery: అదృష్టం ఎప్పుడు ఎవరిని ఏ రూపంలో వరిస్తుందో చెప్పలేం. ఓ కానిస్టేబుల్‌ కి లాటరీలో ఏకంగా కోటి రూపాయల జాక్‌పాట్ తగలడంతో అతడి జీవితమే మారిపోయింది. రాజస్థాన్‌లోని శ్రీగంగానగర్ ప్రాంతానికి చెందిన కుల్దీప్ సింగ్ అనే వ్యక్తి.. పంజాబ్‌లో కానిస్టేబుల్‌గా విధులు నిర్వహిస్తూ అక్కడే నివసిస్తున్నాడు. కుల్దీప్‌ సింగ్‌ తల్లి ఓ రోజు లాటరీ టికెట్లు కొనాలని కుమారుడికి సూచించింది.

ఈ క్రమంలో అతడు అమ్మ మాటను కాదనలేకపోయాడు. గత ఆరు నెలలుగా లాటరీ టికెట్ కొంటూనే ఉన్నాడు. తాజాగా ఈ నెల 2న కూడా లుథియానాలోని ఓ దుకాణానికి వెళ్లాడు. అక్కడ ఒక్క టికెట్ రూ.6 చొప్పున.. రూ.150 ఖర్చు చేసి 25 నాగాలాండ్ స్టేట్ లాటరీ టికెట్లను కొనుగోలు చేశాడు. అందులో రూ.ఆరు పెట్టి కొన్న లాటరీ కూడా ఉంది. ఇప్పుడు అదే ఆయన్ను కోటీశ్వరుడిని చేసింది.